Soane 9:29 - Tosi Tapu

²⁹ E motou iloa na masau le Atua kia Moisese ; kae ko ia leinei, e leaise motou iloa pe au a ia meifea.

Soane 9:29 ပူးပေါင်းရင်းမြစ်များ

Uluaki tosi o Sau 22:27

E ke pati loa : Ko leinei le masau a le sau : Kotou velo le tagata leinei ki le pilisoni, ti kotou fagai loa a ia ki le pane mo le vai o le mamae, o kaku ki laku toe liliu mai i le tokamalie.

Lua tosi o Sau 9:11

I le ulu ake loa a Seu ke ano ki tagata fakasausau a lona pule, na pati loa a ia kiate ia : Pe malie fai ? Kolea na au ai le vale lena kiate koe ? Na tali loa a Seu kia latou : E kotou iloa malie le tagata mo le nea leia e mafai ke pati a ia ki ai.

Pesalemo 103:7

Na fakasa e ia ona ala kia Moisese, Ana gaoi ki fanau o Iselaele.

Pesalemo 105:26

Na kakau loa e ia Moisese, lana tagata fakasausau, Ti mo Alone, leia na filifili e ia.

Pesalemo 106:16

Na lotou finenonofo loa kia Moisese i lolatou nofolaga, Ti mo Alone, le tagata fakasausau maokioki a le Eteleno.

Pesalemo 22:6

Na lotou tagi kiate koe, ti na ke fakamauli latou ; Na lotou fanaki kiate koe, ti na leaise lotou luma.

Malakia 4:4

Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

Numelo 16:28

Na pati loa Moisese : I le nea leinei e kotou iloa ai loa ko le Eteleno totonu leia na kakau ia mai au o fai a nea fuli anei, ti na leaise kau fai ia fua se nea e tasi i loku loto toka tasi.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 26:61

Na pati a ia leinei : E kau mafai ia le maumaui le fale tapu o le Atua, ti mo toe fakatuu a ia i ni aso e tolu.

Luka 23:2

Na lotou kamata fakalakasala loa a ia, o pati : Na motou maua le tagata leinei e fakatupu maveuveu ki le kakai, o tapui e ia le totogi o le tukusau kia Sesale, ti na pati a ia ko ia ko Kilisito, ko se sau.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 7:27

Kae ko ia leinei, e tou iloa le ganea leia e au a ia mei ai ; kae ko Kilisito, ka au loa a ia, e leaise iloa fua e se tasi le ganea leia e au a ia mei ai.

Soane 7:28

Ti na kalaga loa Sesu, i lana akonaki i le fale tapu : E kotou iloa au, ti e kotou iloa le ganea leia e kau au mei ai ! Na leaise kau au iate au totonu : Kae ko leia na kakau ia mai au e maoki, ti e leaise kotou iloa a ia.

Soane 8:14

Ti na tali loa Sesu kia latou : Kapau e kau fakamaoki kiate au totonu, e maoki laku fakamaoki, talie e kau iloa le ganea leia e kau au mei ai ti mo le ganea leia e kau ano ki ai ; kae ko koutou, e leaise kotou iloa pe kau au meifea ti e kau ano kifea.

Soane 9:16

I le nea lena, na pati loa ni iki o le kau faliseo : E leaise au le tagata lena mei le Atua, talie e leaise tausi e ia le sapato. Kae na pati loa ni iki : Pe mafai feaki e se tagata agasala ni milakulo fenaaki ?

Soane 9:24

Na toe kalagai loa e le kau faliseo le tagata leia na kivi, o pati kiate ia : Tuku ki le Atua le kololia ; e motou iloa ko se tagata agasala le tagata lena.

Soane 9:30

Na tali loa le tagata lena kia latou : E fakapunamauli ai e leaise kotou iloa pe au a ia meifea ; kae kua fakaala e ia oku mata.

Gaoi 22:22

Na lotou fakalogo loa kiate ia o kaku ki le masau lena, ti na lotou kalaga leo lasi loa : Ke too mei le kele le tagata lena ! E leaise tonu ke tuku a ia ke mauli.

Gaoi 26:22

Kae, i le tokoi a le Atua, koi kau mauli o kaku mai ki le aso nei, o fakamaoki i mua o le kau liliki mo le kau lalasi, kae e leaise kau sese fua i se nea fakaikiiki mei nea ala na fakasa e le kau polofeta mo Moisese e tonu ke soko,

Gaoi 7:35

Ko le Moisese lena, leia na lotou fakafiti ki ai, o pati : Ko ai leia na fakanofo ia a koe ko le pule mo le tui fakamaau ? Ko ia leia na kakau e le Atua ko le pule ti mo le fakamauli i le tokoi a le aselo leia na sa kiate ia i le ulu vao.

Tetelonome 34:10

Na leaise toe sa loa i Iselaele se polofeta ofaipe Moisese, leia na masau mo le Eteleno, o tio le mata ki le mata.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.