Soane 8:58 - Tosi Tapu

⁵⁸ Na pati loa Sesu kia latou : E maoki, e maoki, e kau pati atu kia koutou, i mua o le tupu o Apalaamo, e kau agai.

Soane 8:58 ပူးပေါင်းရင်းမြစ်များ

Ekesote 3:14

Na pati loa le Atua kia Moisese : Ko au ko leia e agai. Ti na toe soko atu a ia : E feneeki loa lau tali ki fanau a Iselaele : Ko leia e igoa " Ko au " na kakau ia mai au kia koutou.

Esaia 43:13

E kau Atua talu le kamataaga, Ti e leaise tasi e saofaki ia mei loku lima ; E kau gaoi loa : ko ai e taofi ia loa au ?

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 46:9

Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Esaia 48:12

Sakopo, fakalogo mai kiate au ! Ti mo koe, Iselaele, leia na kau kalagai ! Ko au, io, ko au leia ko le uluaki, Ko au foki leia ko le fakamuli.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Soane 10:25

Na tali loa Sesu kia latou : Kua oki i laku fakasa atu kia koutou, kae e leaise kotou tui. Ko gaoi ala e kau fai i le suafa o loku Tamana e fakamaoki kiate au.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Soane 17:5

Ti ko leinei, ei Tamana, fakakololia au i ou tafa totonu ki le kololia leia na kau maua i ou tafa i mua o le fakatupu o le malama nei.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Soane 8:28

Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Soane 8:34

Na tali loa Sesu kia latou : E maoki, e maoki, e kau pati atu kia koutou, ko leia e fai ia le agasala e popula a ia ki le agasala.

Soane 8:51

E maoki, e maoki, e kau pati atu kia koutou, kapau e tausi e se tasi laku folafola, e leaise tio loa a ia i se aso ki le mate.

Kolose 1:17

E mua a ia i nea fuli, ti e tuu mau a nea fuli iate ia.

Epelo 13:8

E tatau Sesu-Kilisito nanafi, mo ailanei, ti mo lee gato.

Apokalipisi 1:11

leia na pati : Ko le nea leia e ke tio ki ai, tosi a ia i se tosi, o fakamomoli a ia ki Ekelesia e fitu, ki Efeso, mo Similene, mo Pelekame, mo Tiatile, mo Salete, mo Filatelefia, ti mo Laotise.

Apokalipisi 1:8

E pati le Aliki Atua, ko au ko le alefa mo le omeka, leia e agai, leia na agai, leia e au, le Mafimafi.

Apokalipisi 2:8

Tosi ki le aselo o le Ekelesia o Similene : Ko leinei le nea leia e pati ki ai le uluaki ti mo le fakamulimuli, leia na mate, kae kua toe liliu mai ki le mauli :