Soane 8:55 - Tosi Tapu

⁵⁵ kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola.

Soane 8:55 ပူးပေါင်းရင်းမြစ်များ

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Oseo 5:4

Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Luka 10:22

Kua tuku mai kiate au a nea fuli e loku Tamana. E leaise iloa e se tasi pe ko ai le Alo, ko le tamana toka tasi fai ; ti e leaise iloa e se tasi pe ko ai le Tamana, ko le Alo toka tasi fai ti mo leia e loto le Alo ke fakasa a ia ki ai.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 10:15

ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Soane 15:21

Kae e lotou fai loa kia koutou a nea fuli ana o tupu ko loku suafa, talie e leaise lotou iloa leia na kakau ia mai au.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 17:25

Tamana faitotonu, na leaise iloa a koe e le malama nei ; kae na kau iloa a koe, ti kua iloa e latou anei na ke kakau ia mai au.

Soane 6:46

Ti e leai se tasi leia kua tio ki le Tamana, gato tasi ki leia e au mei le Atua ; ko ia lena na tio ki le Tamana.

Soane 8:19

Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.

Soane 8:29

Ko leia na kakau ia mai au e nofo mo au ; na leaise tuku e ia ke kau toka tasi ; talie e kau fai tuumau le nea leia e malie kiate ia.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Soane 8:51

E maoki, e maoki, e kau pati atu kia koutou, kapau e tausi e se tasi laku folafola, e leaise tio loa a ia i se aso ki le mate.

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.

Gaoi 17:23

Talie, i laku taka i lokoutou kolo, ti mo laku tio ki nea fuli ala e kotou tausi ki ai, na kau maua foki se aletale leia e tuu ai le fakamailoga leinei : Ki se atua e leaise iloa ! Ko le nea leia e kotou tausi ki ai kae e leaise kotou iloa, ko ia leinei e kau fakasa atu kia koutou.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Uluaki tosi a Soane 1:6

Kapau e tou pati e tou komunio mo ia, kae tou saele i le fakapouli, e tou loi, ti e leaise tou fai le maoki.

Uluaki tosi a Soane 2:22

Ko ai loa e gutu loiloi ? Ko leia e fakafiti ko Sesu e leaise ko le Kilisito a ia. Ko ia lena, ko le atekilisito, leia e fakafiti ki le Tamana mo le Alo.

Uluaki tosi a Soane 2:4

Ko leia e pati : Kua kau iloa a ia, kae e leaise fai e ia ana fakatotonu, ko se tagata gutu loiloi a ia, ti e leaise nofo le maoki iate ia.

Uluaki tosi a Soane 5:10

Ko leia e tui ki le Alo o le Atua, e maua e ia le fakamaoki lena iate ia totonu ; ko leia e leaise tui ki le Atua, e fakagutuloiloi e ia le Atua, talie e leaise tui a ia ki le fakamaoki a le Atua ki lona Alo.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.