Soane 8:48 - Tosi Tapu

⁴⁸ Na tali loa le kau Sutea kiate ia : Pe leaise motou maoki koia i lamatou pati ko se Samalia a koe, ti e nofo se temonio iate koe ?

Soane 8:48 ပူးပေါင်းရင်းမြစ်များ

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Mateo 10:25

E feauga fai ki le tisipulo ke tatau mo lona pule, ti mo le tagata fakasausau ke tatau mo lona aliki. Kapau na lotou pati ki le pule o le fale ko Pelesepu a ia, ti e lotou toe pati fenaaki loa ki kakai o lona fale !

Mateo 10:5

Ko lena loa le tino agafulu tupu lua leia na kakau e Sesu, i le oki o le tuku kia latou o fakailoilo anei : Aua na kotou ano ki le kakai pagani, ti aua na kotou ulu ki kolo o le kau Samalitana.

Mateo 11:18

Talie na au Soane, na leaise kai a ia ti na leaise inu a ia, ti na lotou pati : E nofo a ia mo se temonio.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 12:31

Koia e kau pati atu ai kia koutou : E fakamolemole loa a agasala fuli mo fatituu fuli ki le tagata, kae e leaise fakamolemole loa le fatituu ki le Laumalie Maokioki.

Mateo 15:7

Kau malualoi, na tonu ai Esaia i lana folafola kikite kia koutou, o pati :

Soane 1:19

Ko leinei le fakamaoki a Soane, i le kakau mai e le kau Sutea mei Selusalemi ni tagata faisakilifisio mo ni levita, ke vesili kiate ia : Aloa, ko ai a koe ?

Soane 10:20

Na pati loa le toka api o latou : E nofo iate ia se temonio, kua valea a ia ; kolea e kotou fakalogo ai kiate ia ?

Soane 13:13

E kotou fakaigoa au ko le Pule mo Aliki, ti e kotou pati tonu, talie ko au a ia.

Soane 4:9

Na pati loa le fafine samalia kiate ia : Kolea e ke kole mai ai kiate au ke ke inu, a koe leia ko le Sutea, kiate au leia ko se fafine Samalia ? Talie na leaise malilie le kau Sutea mo le kau Samalia.

Soane 7:20

Na tali loa le kakai : E nofo iate koe se temonio. Ko ai leia e afa ke tamate ia a koe ?

Soane 8:22

I le nea lena na pati loa le kau Sutea : Pe fakamate loa a ia, talie e pati a ia : e leaise mafai ke kotou au ki le ganea leia e kau ano ki ai ?

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.

Loma 15:3

Talie na leaise afa e Kilisito le nea na malie kiate ia, kae, o mulimuli ki le nea kua oki i le tosi : Kua vilo kiate au a lauveli a latou ala na lauveli kiate koe.

Epelo 13:13

Koia ke tou mavae o ano mo ia ki le tua kolo, o amo lona matagafua.

Sakopo 2:19

E ke tui e i ai se Atua fuai e tasi, e ke fai malie ; e tui foki le kau temonio ki ai, ti e lotou lulu.