Soane 8:46 - Tosi Tapu

⁴⁶ Ko ai ia koutou e maua ia loa se agasala iate au ? Kapau e kau fakasa le maoki, kolea e leaise kotou tui mai ai loa kiate au ?

Soane 8:46 ပူးပေါင်းရင်းမြစ်များ

Mateo 21:25

Pe au meifea le papitema a Soane ? Mei lagi, pe mei tagata ? Kae na lotou manatu loa ia latou : Kapau e tou tali : Mei lagi, e pati mai loa a ia kia tatou : Kolea loa na leaise kotou tui ai kiate ia ?

Maleko 11:31

Kae na lotou pati loa ia latou : Kapau e tou tali : Mei lagi, e pati loa a ia : Kolea loa na leaise kotou tui ai kiate ia ?

Soane 14:30

E leaise kau toe masau lasi loa mo koutou ; talie e au le pule o le malama nei. E leaise maua e ia sana nea fua e tasi iate au.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Soane 16:8

Ti ka au loa a ia, e fakamalamai loa e ia le malama nei o uiga mo le agasala, mo le faitotonu, ti mo le fakamaau :

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Soane 8:7

Ti o tupu ko lalatou soko atu lona fakavesilii, na tuu loa a ia ki aluga, o pati kia latou : Ka mailoga leia ia koutou e sala agasala, ke uluaki ti e ia le fa fatu ki le fafine.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Uluaki tosi a Petelo 2:22

A ia leia na leaise agasala, Ti na leaise maua fua i lona gutu se kaka ;