Soane 8:41 - Tosi Tapu

⁴¹ Kae ko koutou, e kotou fai a gaoi o lokoutou tamana. Na lotou pati loa kiate ia : E leaise ko ni toe taka matou ; e motou maua se tamana e tasi, ko le Atua.

Soane 8:41 ပူးပေါင်းရင်းမြစ်များ

Ekesote 4:22

E ke pati loa kia Falaone : E masau le Eteleno, o pati : Ko loku vosa Iselaele, loku uluaki.

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Malakia 2:11

Na leaise agatonu a Suta, Ti na fai se nea fakalialia i Iselaele mo Selusalemi ; Talie na fakakelekele e Suta le nea leia na fakatapu ki le Eteleno, le nea leia e fiafia ai le Eteleno : Na avaga a ia mo le taine o se atua kese.

Soane 8:38

E kau pati ki le nea leia na kau tio ki ai i loku Tamana ; ti ko koutou, e kotou fai le nea leia na kotou logo ki ai mei lokoutou tamana.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Tetelonome 14:1

Ko fanau koutou a le Eteleno, lokoutou Atua. Ke aua na kotou fai loa ni tatau ki okoutou tino, ti ke aua na kotou tele loa okoutou tumuaki, o tupu ko se mate.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Uluaki tosi a Soane 3:12

kae aua na tou faipe Kaino, leia na au mei leia e kaka, ti na tukipooi ia lona taina. Ti kolea na tukipooi ai e ia lona taina ? Talie na veli ana gaoi, kae na maokioki a gaoi o lona taina.