Soane 8:33 - Tosi Tapu

³³ Na lotou tali loa kiate ia : Ko le sakoga matou o Apalaamo, ti na leaise motou popula ki se tasi i se aso ; e feaki e ke pati ai : E kotou liliu loa o lauatea ?

Soane 8:33 ပူးပေါင်းရင်းမြစ်များ

Senesi 15:13

Ti na pati loa le Eteleno kia Apalamo : Ke ke iloa papau e nofo matapule loa lou sakoga i se fenua kese. E lotou nofo popula loa i ai, ti e lotou fakavelivelii loa i ai i fetuu e kau lelau fa.

Esetalasi 9:9

Talie e motou popula, kae na leaise tiaki matou e le Atua i le lolotoga o lomatou popula. Kua fakaliliu e ia a sau o Pelesi ke alofa kia matou, o fakamauli matou, mo fakataga ke motou fakatuu le fale o lomatou Atua, o toe fakafoou ona potu kua maumau, ti mo tuku kia matou se malolo i Suta mo Selusalemi.

Levitiko 25:42

Talie ko aku tagata fakasausau latou ala na kau fakamavae mei le fenua o Esipito ; Aua na ke fakatau loa latou ofaipe ni kau popula.

Mateo 3:9

ti aua na kotou pati i okoutou loto : Ko Apalaamo ko lomatou tamana ! Talie e kau fakasa kia koutou, mei fatu anei, e mafai ke fakatupu e le Atua ni fanau kia Apalaamo.

Luka 3:8

Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.

Soane 19:25

Na tutuu, o ofi ki le koluse o Sesu, lona tinana, mo le taina o lona tinana, Malia, avaga o Kolopasi, ti mo Malia mei Maketala.

Soane 8:37

E kau iloa ko le sakoga koutou o Apalaamo ; kae e kotou afa ke kotou tamate au, talie e leaise ulu laku folafola ia koutou.

Soane 8:39

Na lotou tali loa kiate ia : Ko lomatou tamana ko Apalaamo. Na pati loa Sesu kia latou : Kanapau ko fanau koutou a Apalaamo, e kotou fai loa a gaoi a Apalaamo.

Soane 8:43

Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola.

Loma 9:7

Ti e logo ai ko le sakoga latou o Apalaamo, e leaise ko latou fuli ko ana fanau ; kae e pati : Ia Isaake, e ke maua loa se sakoga e fakaigoa loa ki lou igoa,

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.

Tuifakamaau 3:8

Na malaga loa le ita o le Eteleno ki Iselaele, ti na fakatau loa e ia latou ki lima o Kusani-Liseataimi, sau o Mesopotamia. Na popula loa fanau a Iselaele, na lotou popula loa kia Kusani-Liseataimi i le lolotoga o fetuu e valu.

Tuifakamaau 4:3

Na maua e Sapini ni saliote ukamea e kau lelau iva, ti na fakamamae lasi ai e ia a fanau a Iselaele i fetuu e kau lua. Ti na tagi loa fanau a Iselaele ki le Eteleno.