Soane 8:32 - Tosi Tapu

³² ti e kotou iloa loa le maoki, ti e fakalauatea loa koutou e le maoki.

Soane 8:32 ပူးပေါင်းရင်းမြစ်များ

Pesalemo 119:45

E kau saele loa i le lau lasiga, Talie e kau afa au fakatotonu.

Pesalemo 25:5

Ke ke taki au i lou maoki, ti ke ke ako au ; Talie ko le Atua a koe o loku fakamauli, Ko loku amanaki malie a koe o lee gato.

Taagapati 1:23

Kotou tafoki mai o fakalogo ki aku valoki ! Ko leinei e kau liligi loa loku Laumalie kia koutou, E kau fakasa loa kia koutou aku folafola…

Taagapati 1:29

O tupu na lotou vesia ki le iloa, Ti na leaise lotou filifili le i ki le Eteleno,

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Levitiko 25:41

I le fetuu o le supileo, e mavae loa a ia mei lou fale, a ia mo ana fanau, ti e toe liliu loa a ia ki lona famili, i le kele o ona tamana.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Mateo 11:29

Kotou amo laku laakau taki, ti kotou tali aku akonaki, talie e kau agamalu mo loto fakataulalo ; ti e kotou maua loa le malolo ki okoutou laumalie.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 16:13

Ka au loa le Fakapelepele, le Laumalie o le maoki, e taki loa e ia koutou i le maoki katoa ; talie e leaise masau loa a ia meiate ia totonu, kae e fakasa loa e ia a nea fuli ala e logo loa a ia ki ai, ti e fakasa fakatomua loa e ia kia koutou a nea ka soko mai.

Soane 17:17

Fakatapui latou ki le maoki, ko lau folafola ko le maoki.

Soane 6:45

E tuu i le tosi a le kau polofeta : E ako loa latou fuli e le Atua. Koia ko leia e logo ki le Tamana, ti e tali ia lana akonaki, e au kiate au.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Soane 8:36

Koia kapau e fakalauatea koutou e le Vosa, e kotou lauatea maoki loa.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 8:15

Ti na leaise kotou tali se laumalie o le popula ke kotou toe nonofo ai i le i ; kae kua kotou tali se Laumalie o le fufui, leia e tou kalaga ai : Apa ! Tamana !

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 7:22

Talie ko le tagata popula leia kua kalagai e le Aliki ko se tagata lauatea a ia a le Aliki ; ti ko le tagata lauatea leia kua kalagai e le Aliki ko se tagata popula a ia a Kilisito.

Kalate 5:1

Koia, kua fakalauatea tatou e Kilisito ke tou lauatea maoki, kotou tuu mau i ai, ti aua na kotou toe tuku ke taomi koutou e le amoga o le popula.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Lua tosi kia Timoteo 3:7

ti e lotou ako tuumau kae e leaise mafai fua ke lotou kaku ki le iloa o le maoki.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Sakopo 2:12

Kotou masau ti kotou gaoi ofaipe ni tagata ala e tonu ke fakamaaui e se lao o le lauatea,

Uluaki tosi a Petelo 2:16

Kotou faipe ni tagata lauatea ; kae ke aua na kotou fakaaoga lokotou lauatea ofaipe se kie ke uufi ai lakoutou agaveli, kae ke kotou faipe ni tagata fakasausau a le Atua.

Lua tosi a Soane 1:1

Ko au ko le tagata fakamatuatua, kia Kilia ko le fafine filifiliia ti mo ana fanau, ala e kau alofa ki ai i le maoki, ti e leaise ko au fua leia e alofa kia latou, kae ko latou fuli foki ala e iloa ia le maoki,