Soane 8:31 - Tosi Tapu

³¹ Ti na pati loa a ia ki le kau Sutea ala na tui kiate ia : Kapau e kotou nonofo mau i laku folafola, ti ko aku tisipulo maoki koutou ;

Soane 8:31 ပူးပေါင်းရင်းမြစ်များ

Mateo 24:13

Kae ko leia e kataki fualoa loa o kaku ki le fakaoki, e saofaki loa.

Soane 1:47

I le tio a Sesu kia Natanaele e au kiate ia, na pati loa a ia kiate ia : Ko leinei se Iselaele maoki, leia e leaise maua fua i ai se fai kaka.

Soane 2:2

ti na fakaafe foki Sesu mo ana tisipulo ki le faiavaga.

Soane 6:55

Talie ko loku tino ko se nea kai maoki ai, ti ko loku toto ko se nea inu maoki ai.

Soane 8:36

Koia kapau e fakalauatea koutou e le Vosa, e kotou lauatea maoki loa.

Gaoi 13:43

ti i le mavete o le fakatasi, na toka api ai ni Sutea mo ni poloselita tausi malie ki le Atua na muli loa ia Paulo mo Palenapa, ti na la masau loa kia latou, o fakalotoi latou ke pipiki ki le kalasia o le Atua.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Gaoi 26:22

Kae, i le tokoi a le Atua, koi kau mauli o kaku mai ki le aso nei, o fakamaoki i mua o le kau liliki mo le kau lalasi, kae e leaise kau sese fua i se nea fakaikiiki mei nea ala na fakasa e le kau polofeta mo Moisese e tonu ke soko,

Loma 11:22

Koia tio ki le agamalie mo le itaita o le Atua : itaita kia latou kua siga, ti agamalie kiate koe, mo kapau e ke nofo tuumau i le agamalie lena ; ka leai, ti e toe tuuti loa mo koe foki.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Uluaki tosi kia Timoteo 2:15

Kae logo ai le nea a ia e fakamauli loa le fafine i lana liliu ko se tinana, mo kapau e kataki fualoa a ia i le fakapotopoto, mo le tui, mo le alofa, ti mo le maokioki.

Uluaki tosi kia Timoteo 4:16

Tokaga kiate koe totonu, ti mo lau akonaki ; kataki fualoa i nea ana, talie, i lau fai fenaaki, e ke saofaki ai loa a koe totonu, ti e ke saofaki ai foki latou ala e fakalogologo atu kiate koe.

Lua tosi kia Timoteo 3:14

Kae ko koe, ke ke nofo mau i nea ala kua ke ako ia, ti kua ke iloa totonu e maoki, talie e ke iloa leia na ke ako mei ai :

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Epelo 8:9

O leaise faipe le sai leia na kau fai loa mo olatou tamana, Ile aso leia na kau too ai latou i le lima Ke fakamavae latou i le fenua o Esipito ; Talie na leaise lotou kataki fualoa i laku sai, Ti ko au foki na leaise kau tokaga kia latou, e pati le Aliki.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Uluaki tosi a Soane 2:19

Na lotou malaga ki aluga mei loto malie o tatou, kae na leaise lotou kau ia tatou ; talie kapau na lotou kau ia tatou, na lotou nonofo loa mo tatou, kae na soko le nea lena, o tupu ke fakasa ai e leaise lotou kau fuli ia tatou.

Uluaki tosi a Soane 2:24

Koia, ke nofo mau ia koutou le nea leia na kotou logo ki ai talu mei le kamataaga. Kapau e nofo mau ia koutou le nea leia na kotou logo ki ai talu mei le kamataaga, e kotou nofo loa i le Alo ti mo le Tamana.

Lua tosi a Soane 1:9

Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.

Uluaki tosi a Samuele 12:14

Kapau e kotou fakaapaapa ki le Eteleno, kapau e kotou tausi kiate ia, kapau e kotou fakalogo ki lona leo, ti kapau e leaise kotou fakatutuu loa ki le folafola a le Eteleno, ti e kotou pipiki loa ki le Eteleno, lokotou Atua, a koutou mo le sau leia e lagiaki kia koutou.