Soane 8:28 - Tosi Tapu

²⁸ Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Soane 8:28 ပူးပေါင်းရင်းမြစ်များ

Ekesote 3:14

Na pati loa le Atua kia Moisese : Ko au ko leia e agai. Ti na toe soko atu a ia : E feneeki loa lau tali ki fanau a Iselaele : Ko leia e igoa " Ko au " na kakau ia mai au kia koutou.

Mateo 24:5

Talie e au loa se toka api i loku suafa, o pati : Ko au ko Kilisito. Ti e lotou fakasesei loa ni kakai toka api ai.

Maleko 13:6

Talie e au loa le toka api i loku suafa, o pati : Ko au. Ti e lotou kakaai loa se kakai toka api.

Luka 21:8

Na tali loa Sesu : Kotou tokaga na kakaai koutou. Talie e au loa le toka api i loku suafa, o pati : Ko au ko Kilisito, ti, kua ofi mai le temi. Aua na kotou muli ia latou.

Soane 11:42

Kiate au, e kau iloa e ke tali tuumau au ; kae e kau masau o tupu ko le kakai leinei e takatakai ia au, talie ke lotou tui ko koe leia na kakau ia mai au.

Soane 13:19

Ko leinei e kau fakasa le nea lena kia koutou kae e leikiaise soko mai a ia, o tupu ka soko mai loa a ia, ke kotou tui ko au a ia.

Soane 16:10

o uiga mo le faitotonu, talie e kau ano ki le Tamana, ti e leaise kotou toe tio loa kiate au ;

Soane 18:32

Ti na fakasoko ai le folafola a Sesu, i lana fakasa le mate leia e tonu ke mate ai a ia.

Soane 19:18

Ko le ganea lena na tutuki ai loa a ia ki le koluse, mo ni iki e toka lua, na taki tasi i ona fetuu, kae tuu Sesu i loto malie.

Soane 3:11

E maoki, e maoki, e kau pati atu kiate koe, e motou pati ki le nea leia e motou iloa, ti e motou fakamaoki ki le nea leia na motou tio ki ai ; kae e leaise kotou tali lamatou fakamaoki.

Soane 3:14

Ti ofaipe Moisese na fakatuu ia le gata i le toafa, e tonu foki ke fakatuu le Vosa o le tagata ki aluga,

Soane 4:26

Na pati loa Sesu kiate ia : Ko au totonu, a au leinei e masau atu kiate koe.

Soane 5:19

Ti na toe masau loa Sesu kia latou, o pati : E maoki, e maoki, e kau pati atu kia koutou, e leaise feala ke fai e le Alo se nea iate ia totonu, e fai e ia le nea leia e tio a ia e fai e le Tamana ; ti ko nea fuli ala e fai e le Tamana, e toe fai foki e le Alo.

Soane 5:30

E leaise kau mafai fua se nea iate au totonu : E kau fakamaau o mulimuli ki le nea leia e kau logo ki ai ; ti e maoki laku fakamaau, talie e leaise kau afa ia loku finegalo, kae e kau afa le finegalo o leia na kakau ia mai au.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Soane 8:27

Na leaise lotou matala fua na masau a ia kia latou ki le Tamana.

Soane 8:58

Na pati loa Sesu kia latou : E maoki, e maoki, e kau pati atu kia koutou, i mua o le tupu o Apalaamo, e kau agai.

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Gaoi 4:4

Kae na tui loa se toka api o latou ala na logo ki le folafola, ti na lau loa ki tino afe e lima le api o tagata.

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.