Soane 8:26 - Tosi Tapu

²⁶ E lasi ai a nea ala e kau fia masau ki ai mo fia valoki ia koutou ; kae ko leia na kakau ia mai au e maoki, ti ko le nea leia na kau logo meiate ia, e kau fakasa a ia ki le malama nei.

Soane 8:26 ပူးပေါင်းရင်းမြစ်များ

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Soane 16:12

Koi lasi ai a nea ala e kau fia fakasa atu kia koutou, kae e leaise mafai ke kotou amo latou i le temi nei.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 18:20

Na tali loa Sesu kiate ia : Na kau masau fakalauatea ki le malama nei ; na kau akonaki tuumau i le sinakoka ti mo le fale tapu, leia na fakatasi ai le kau Sutea katoa, ti na leaise kau pati fakafufu ki se nea.

Soane 3:11

E maoki, e maoki, e kau pati atu kiate koe, e motou pati ki le nea leia e motou iloa, ti e motou fakamaoki ki le nea leia na motou tio ki ai ; kae e leaise kotou tali lamatou fakamaoki.

Soane 7:16

Na tali loa Sesu kia latou : E leaise au laku akonaki meiate au, kae mei leia na kakau ia mai au.

Soane 7:28

Ti na kalaga loa Sesu, i lana akonaki i le fale tapu : E kotou iloa au, ti e kotou iloa le ganea leia e kau au mei ai ! Na leaise kau au iate au totonu : Kae ko leia na kakau ia mai au e maoki, ti e leaise kotou iloa a ia.

Soane 8:25

Ti na lotou pati loa kia Sesu : Ko ai loa a koe ? Na tali loa Sesu kia latou : Ko leia na kau fakasa atu kia koutou mei le kamataaga.

Soane 8:27

Na leaise lotou matala fua na masau a ia kia latou ki le Tamana.

Soane 8:40

Kae ko leinei e kotou afa ke tamate au, a au leia na fakasa atu ia kia koutou le maoki leia na kau logo mei le Atua. Na leaise fai fua le nea lena e Apalaamo.

Lua tosi ki le kau Kolinto 1:18

E kau fakamaoki atu i le Atua, leia e agatonu, ko le folafola leia na ma fakasa atu kia koutou na leaise io mo leai.