Soane 7:39 - Tosi Tapu

³⁹ Na pati a ia o uiga mo le Laumalie Maokioki leia e tonu ke tali e latou ala e tui loa kiate ia ; talie na leikiaise soli le Laumalie Maokioki, o tupu na leikiaise fakakololia Sesu.

Soane 7:39 ပူးပေါင်းရင်းမြစ်များ

Pesalemo 68:18

Ko saliote a le Eteleno e lau i tino lua afe, Ti tino afe mo tino afe ; E nofo le Aliki i loto malie o latou, E tuu le Sinai i le sagatualio.

Taagapati 1:23

Kotou tafoki mai o fakalogo ki aku valoki ! Ko leinei e kau liligi loa loku Laumalie kia koutou, E kau fakasa loa kia koutou aku folafola…

Esaia 12:3

E kotou asu loa le vai i le fiafia I matapuna o le mauli,

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Mateo 16:14

Na lotou tali loa : E pati ni iki ko Soane-Patita a koe ; ti ko iki ko Elia ; ti ko iki ko Selemia, pe ko se tasi o le kau polofeta.

Mateo 21:11

Na tali loa le kakai : Ko Sesu, le polofeta, mei Nasaleti i Kalilea.

Luka 24:49

Ko leinei, e kau kakau mai loa kia koutou le nea leia na fakapapau e loku Tamana ; kae ko koutou, kotou nonofo i le kolo o kaku ki lakotou kofu le makeke mei aluga.

Luka 3:16

na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Luka 7:16

Na maua loa e le kakai katoa se i, ti na lotou fakakololia loa ki le Atua, o pati : Kua sa se polofeta lasi ia tatou, ti kua fakatele le Atua ki lona kakai.

Soane 1:21

Ti na lotou vesili loa kiate ia : Kolea koia ? pe ko Elia a koe ? Ti na pati loa a ia : E leaise ko Elia au. Pe ko le polofeta a koe ? Ti na tali loa a ia : Leai.

Soane 1:25

Na lotou toe fai foki kiate ia le vesili leinei : Kolea loa leia e ke fai papitema ai, mo kapau e leaise ko le Kilisito a koe, pe ko Elia, pe ko le polofeta ?

Soane 1:33

Na leaise kau iloa a ia, kae ko leia na kakau ia mai au ke fai papitema ki le vai, na pati mai kiate au : Ko leia e ke tio loa e ifo ki ai le Laumalie Maokioki, o tuu iate ia, ko ia leia e fai papitema ki le Laumalie Maokioki.

Soane 12:16

Na leaise matala loa ana tisipulo ki le nea lena i le temi lena ; kae i le oki o le fakakololia o Sesu, na lotou manatui loa na tosi a nea ana kiate ia, ti na fakasoko latou kiate ia.

Soane 12:23

Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 14:13

ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 16:14

E fakakololia loa e ia a au, talie e too loa e ia mei le nea leia a aku, o fakasa atu loa a ia kia koutou.

Soane 16:7

Kae e kau fakasa kia koutou le maoki : E aoga kia koutou ke kau ano, talie kapau e leaise kau ano, e leaise au loa le Fakapelepele kia koutou ; kae kapau e kau ano, e kau kakau mai loa a ia kia koutou.

Soane 17:1

I le oki o lana masau a ia, na siki loa e Sesu ona mata ki le lagi, o pati : Tamana, kua soko le ola ! Fakakololia lou Alo, o tupu ke fakakololia a koe e lou Alo,

Soane 17:5

Ti ko leinei, ei Tamana, fakakololia au i ou tafa totonu ki le kololia leia na kau maua i ou tafa i mua o le fakatupu o le malama nei.

Soane 20:22

I le oki o folafola ana, na pupusi loa a ia kia latou, o pati kia latou : Kotou tali le Laumalie Maokioki.

Soane 6:14

I le tio a le kakai lena ki le milakulo leia na fai e Sesu, na lotou pati loa : Ko ia leinei ko le polofeta maoki leia e tonu ke au ki le malama nei.

Soane 7:12

Na lasi ai le femumusuaki a le kakai o uiga mo ia. Na pati a iki : Ko se tagata malie. Kae na pati a iki : Leai, e fakasese e ia le kakai.

Soane 8:54

Na tali loa Sesu : Kapau e kau fakakololia kiate au totonu, ti e noa loku kololia. Ko loku Tamana leia e fakakololia kiate au, a ia leia e kotou pati ko lokoutou Atua,

Gaoi 19:2

Pe na kotou tali le Laumalie Maokioki, i le temi leia na kotou tui ai ? Ti na lotou tali loa kiate ia : E leikiaise motou logo fua e i ai se Laumalie Maokioki.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Gaoi 2:38

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Gaoi 2:4

Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Gaoi 3:13

Ko le Atua o Apalaamo, mo Isaake, mo Sakopo, ko le Atua o otatou tamana, kua fakakololia ia lana tagata fakasausau ko Sesu, leia na kotou fakatau mo fakafiti ki ai i mua o Pilato, i le lakaga leia na fakatotonu ai e ia ke fakamauli Sesu.

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Loma 8:9

Kia koutou, e leaise kotou mauli o mulimuli ki le kanofi, kae o mulimuli ki le Laumalie, mo kapau e nofo maoki ia koutou le Laumalie o le Atua. Kapau e leaise maua e se tasi le Laumalie o Kilisito, e leaise kau a ia kiate ia.

Lua tosi ki le kau Kolinto 3:8

Ti e feaki ake loa le lasi o le kololia o le gaoi a le Laumalie !

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.