Soane 7:37 - Tosi Tapu

³⁷ I le aso fakaoki, ko le aso tafito a ia o le aso lasi, na tuu loa Sesu, o kalaga : Kapau e fia inu se tasi, ke au a ia kiate au, ti ke inu a ia.

Soane 7:37 ပူးပေါင်းရင်းမြစ်များ

Neemia 8:18

Na lau loa i le tosi o le lao a le Atua i aso fuli, mei le uluaki aso o kaku ki le aso fakaoki o le fakatasi. Na fai loa le fakatasi i lolotoga o aso e fitu, ti na fai loa se fakatasi mamalu i le aso fakaoki, o mulimuli ki lona lekula.

Pesalemo 143:6

E kau falo oku lima kiate koe ; E oli lasi loku laumalie kiate koe, Ofaipe se kele malo. - Manava.

Pesalemo 42:2

Ofaipe se tia e fakaamu ki ni tafeaga vai, E fakaamu foki loku laumalie kiate koe, ei Atua !

Pesalemo 63:1

Pesalemo a Tavite. I lana nofo i le toafa o Suta.

Taagapati 1:20

E kalaga le poto i ala, E siki ake e ia lona leo i potu apiapi ;

Taagapati 8:1

Ko le poto, pe leaise kalaga a ia ? Ko le atamai, pe leaise siki e ia lona leo ?

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Taagapati 8:3

I tafa o matapa, i le uluaga o le kolo ; I loto o matapa, e kalaga a ia :

Taagapati 9:3

Na kakau e ia lana kau fafine fakasausau ; e kalaga a ia I tumutumu o potu taualuga o le kolo :

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Esaia 12:3

E kotou asu loa le vai i le fiafia I matapuna o le mauli,

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 40:6

Na pati se leo : Kalaga ! Ti na tali a ia : Kolea ke kau kalaga ? E tatau tagata fuli mo le mutie, Ti e tatau lona kololia mo le se o faisaga.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Esekiele 47:9

Ko nea fuli ala e taugaoi e mauli loa i ganea fuli ala e tafe ai loa le vaitafe, ti e i ai loa ni ika mauke ai ; talie ko le ganea leia e tau ki ai le vai leinei e mauli loa, ti e mauli loa a nea fuli i ganea fuli ala e tau loa ki ai le vaitafe leinei.

Levitiko 23:36

I aso e fitu, e kotou momoli loa ki le Eteleno ni sakilifisio tutu e le afi. I le valu o aso, e kotou fai loa se fakatasi tapu, ti e kotou momoli loa ki le Eteleno ni sakilifisio tutu e le afi ; ko se fakatasi tapu loa a ia : aua na kotou fai loa se gaoi masani.

Levitiko 23:39

I le aso kau agafulu tupu lima o le fitu o masina, ka kotou tuuti loa a fua o le fenua, e kotou fai loa se aso lasi ki le Eteleno, i ni aso e fitu : ko le uluaki o aso ko se aso malolo loa a ia, ti ko le valu o aso ko se aso malolo loa a ia.

Mikea 6:9

E kalaga le leo o le Eteleno ki le kolo, Ti ko leia e poto e i loa ki lona suafa. Kotou logo ki le fakaaliali o le tautea ti mo leia e kakau ia a ia !

Sakalia 9:15

E puipui loa latou e le Eteleno o kau tau ; E lotou kai loa, e lotou malo loa i fatu o le makamaka ; E lotou iinu loa, e lotou logoa loa ofaipe ni nea kua konana i le vino ; E lotou apele loa ofaipe se ipu, ofaipe poko o le aletale.

Numelo 29:35

I le valu o aso, ko le aso fakaoki a ia o le fakatasi lasi, e leaise kotou fai loa se gaoi fakamalama.

Mateo 11:28

Kotou au kiate au, koutou fuli ala e gagae mo mafaia, ti e kau soli atu loa kia koutou se malolo.

Mateo 3:3

Ko Soane ko ia leia na pati ki ai le polofeta ko Isaia, i lana pati : Ko leinei le leo o leia e kalaga i le toafa : Kotou teuteu le ala o le Aliki, Kotou fakasakosako ona ala liliki.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Soane 1:23

Na pati loa Soane : Ko au ko le leo o leia e kalaga i le toafa : Kotou fakatokatoka le ala o le Aliki, Ofaipe le pati a le polofeta ko Esaia.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:11

Kae na pati loa le fafine kiate ia : Aliki, e leaise ke maua se nea ke asu ai le vai, ti e loloto le sosoni ; pe ke maua loa meifea le vai mauli lena ?

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 5:40

Ti e leaise kotou fia au kiate au, o tupu ke kotou maua le mauli !

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Soane 6:37

Ko latou fuli ala e soli mai kiate au e loku Tamana e au loa kiate au, ti e leaise kau tuku loa ki fafo leia e au kiate au ;

Soane 6:55

Talie ko loku tino ko se nea kai maoki ai, ti ko loku toto ko se nea inu maoki ai.

Soane 7:28

Ti na kalaga loa Sesu, i lana akonaki i le fale tapu : E kotou iloa au, ti e kotou iloa le ganea leia e kau au mei ai ! Na leaise kau au iate au totonu : Kae ko leia na kakau ia mai au e maoki, ti e leaise kotou iloa a ia.

Uluaki tosi ki le kau Kolinto 10:21

E leaise mafai ke kotou inu le ipu o le Aliki, ti mo le ipu o le kau temonio ; e leaise mafai ke kotou kau ki le laupapa o le Aliki, ti mo le laupapa o le kau temonio.

Uluaki tosi ki le kau Kolinto 10:4

ti na lotou inu fuli le nea inu fakalaumalie e tasi, talie na lotou inu i se utu fakalaumalie leia na mulimuli ia latou, ti ko le utu a ia ko Kilisito.

Uluaki tosi ki le kau Kolinto 11:25

Ti na fenaaki foki, i le oki o le kai, na too loa e ia le ipu, o pati : Ko le ipu leinei o le sai foou i loku toto ; kotou fai le nea leinei ko se fakamanatu kiate au, i temi fuli ala e kotou inu ai loa a ia.

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.