Soane 7:35 - Tosi Tapu

³⁵ Na pati loa le kau Sutea : E ano loa a ia kifea, ke aua na tou toe maua ai loa a ia ? Pe ano loa a ia kia latou ala e mavetevete i le kau Keleka ? Pe akonaki loa a ia ki le kau Keleka ?

Soane 7:35 ပူးပေါင်းရင်းမြစ်များ

Pesalemo 147:2

E toe laga e le Eteleno Selusalemi, E fakatasi e ia le kau popula o Iselaele ;

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Sofoni 3:10

Mei leia atu fetuu o vaitafe o Etiopia, E aumai loa e laku kau atolasio, laku kau mavetevete, ni moliga kiate au.

Mateo 12:21

Ti e amanaki malie loa a atu puleaga ki lona suafa.

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Soane 12:20

Ko ni Keleka, ia latou ala na pale ki Selusalemi o atolasio i le aso lasi,

Soane 7:1

Sili aia, na feanoaki Sesu i Kalilea, talie na leaise fia nofo a ia i Sutea, talie na afa a ia e le kau Sutea ke tamate.

Soane 8:22

I le nea lena na pati loa le kau Sutea : Pe fakamate loa a ia, talie e pati a ia : e leaise mafai ke kotou au ki le ganea leia e kau ano ki ai ?

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Gaoi 11:20

Kae na i ai loa ia latou ni tagata mei Sipele mo Silene ala na kaku loa ki Atiokia ti na lotou masau foki ki le kau Keleka, o fakasa kia latou le logo malie o le Aliki ko Sesu.

Gaoi 14:1

I Ikonia na ulu loa Paulo mo Palenapa ki le sinakoka o le kau Sutea, ti na la akonaki loa i ai, ti na tui loa se kakai toka api o le kau Sutea mo le kau Keleka.

Gaoi 17:4

Ti na tui loa ni iki o latou, o lotou kau kia Paulo mo Silasi, mo se toka api o le kau Keleka ala na i ki le Atua, ti mo ni fafine aliki.

Gaoi 18:4

Ti na akonaki loa Paulo i le sinakoka i aso sapato fuli, ti na aumai e ia ki le tui ni Sutea mo ni Keleka.

Gaoi 21:21

Kae kua lotou logo o uiga mo koe, na ke akonaki ki le kau Sutea fuli ala na nonofo i le kau pagani ke fakafiti kia Moisese, o pati kia latou ke aua na silikosisio olatou fanau ti ke aua na mulimuli ki atatou agai fenua.

Gaoi 22:21

Ti na pati mai loa le Aliki kiate au : Ano, e kau kakau loa a koe ki mamao ki atu puleaga…

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Uluaki tosi kia Timoteo 2:7

ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.

Lua tosi kia Timoteo 1:11

Ko le Evaselio lena, kua fakanofo au ki ai ko le tagata fai akonaki, mo le apositolo leia e tonu ke ako ia le kau pagani.

Sakopo 1:1

Ko au Sakopo, ko le tagata fakasausau a le Atua ti mo le Aliki ko Sesu-Kilisito, ki faasiga e kau agafulu tupu lua ala e mavetevete mamao, alofa atu !

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,