Soane 7:31 - Tosi Tapu

³¹ Na tui loa se toka api o le kakai kiate ia, ti na lotou pati : Ko le Kilisito, ka au loa a ia, pe fai loa e ia ni milakulo o lasi ake i la e fai e ia leinei ?

Soane 7:31 ပူးပေါင်းရင်းမြစ်များ

Mateo 12:23

Na ofolele loa le kakai katoa, o pati : Pe leaise ko ia lena ko le Vosa o Tavite ?

Luka 8:13

Ko latou ala na maluku i le ganea fatufatua, ko latou ala, i lalatou logo ki le folafola, na tali ia a ia i le fiafia ; kae e leaise lotou maua ia se aka, ti e lotou tui fua i se ga temi, ti e lotou siga i le lakaga o le fakasala.

Soane 11:45

Na toka api ai le kau Sutea leia na au kia Malia, i lalatou tio ki le nea leia na fai e Sesu, na tui loa kiate ia.

Soane 12:11

talie kua mavae se kau Sutea toka api meia latou o tupu ko ia, o tui kia Sesu.

Soane 12:42

Kae na tui loa kiate ia se toka api i le kau pule foki ; kae o tupu ko le kau faliseo, na leaise lotou fakasa a ia, talie na kapu latou mei le sinakoka.

Soane 2:11

Ko le uluaki milakulo loa a ia, leia na fai loa e Sesu i Kana i Kalilea. Na fakasa loa e ia lona kololia, ti na tui loa ana tisipulo kiate ia.

Soane 3:2

leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 4:29

Kotou au o tio ki se tagata na fakasa ia mai kiate au a nea fuli ala na kau fai ; pe leaise ko le Kilisito a ia ?

Soane 4:39

Na tui loa kia Sesu se kau Samalia toka api o le kolo lena, o tupu ko le masau a le fafine leia na fai ia le fakamaoki leinei : Na fakasa mai e ia kiate au a nea fuli ala na kau fai.

Soane 6:2

Na muli loa se kakai toka api iate ia, talie na tio a ia ki milakulo ala na fai e ia ki le kau masaki.

Soane 7:26

Ti ko leinei, e masau faifaitalisa a ia, ti e leaise lotou pati kiate ia ! Pe kua fakamaoki foki le kau pule ko ia ko Kilisito ?

Soane 9:16

I le nea lena, na pati loa ni iki o le kau faliseo : E leaise au le tagata lena mei le Atua, talie e leaise tausi e ia le sapato. Kae na pati loa ni iki : Pe mafai feaki e se tagata agasala ni milakulo fenaaki ?

Gaoi 8:13

Ti na tui foki mo Simone totonu kia Filipo ; ti i le oki o lona papitema, na leaise toe mavae loa a ia meia Filipo, ti na tio fakaofolele loa a ia ki fakamailoga lalasi mo milakulo ala na fai e ia.

Sakopo 2:26

Ofaipe le tino sala laumalie e mate, ko le tui sala gaoi e mate foki.