Soane 7:26 - Tosi Tapu

²⁶ Ti ko leinei, e masau faifaitalisa a ia, ti e leaise lotou pati kiate ia ! Pe kua fakamaoki foki le kau pule ko ia ko Kilisito ?

Soane 7:26 ပူးပေါင်းရင်းမြစ်များ

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Luka 23:13

Na fakatasii loa e Pilato le kau pule faisakilifisio, mo le kau pule, ti mo le kakai, o pati kia latou :

Luka 7:30

kae ko le kau faliseo mo le kau sekelipa, na lotou fakanoai le finegalo o le Atua kia latou, i lalatou fakafiti ke papitema latou e Soane.

Soane 12:42

Kae na tui loa kiate ia se toka api i le kau pule foki ; kae o tupu ko le kau faliseo, na leaise lotou fakasa a ia, talie na kapu latou mei le sinakoka.

Soane 18:20

Na tali loa Sesu kiate ia : Na kau masau fakalauatea ki le malama nei ; na kau akonaki tuumau i le sinakoka ti mo le fale tapu, leia na fakatasi ai le kau Sutea katoa, ti na leaise kau pati fakafufu ki se nea.

Soane 3:1

Kae na i ai loa se tagata i le kau faliseo, na igoa ko Nikotemo, ko se pule o le kau Sutea,

Soane 4:29

Kotou au o tio ki se tagata na fakasa ia mai kiate au a nea fuli ala na kau fai ; pe leaise ko le Kilisito a ia ?

Soane 7:25

Na pati ni iki o Selusalemi : Pe leaise ko ia leia e lotou afa ke tamate ?

Soane 7:31

Na tui loa se toka api o le kakai kiate ia, ti na lotou pati : Ko le Kilisito, ka au loa a ia, pe fai loa e ia ni milakulo o lasi ake i la e fai e ia leinei ?

Soane 7:48

Pe i ai se tasi o le kau pule pe ko le kau faliseo kua tui kiate ia ?

Soane 9:22

Na pati fenaaki loa ona matua talie na la i ki le kau Sutea ; talie kua tuku e le kau Sutea ke fakamavae mei le sinakoka latou fuli ala e fakasa ia ko Sesu ko le Kilisito.

Gaoi 4:13

I lalatou tio ki le tuu makeke o Petelo mo Soane, na lotou punamauli ai, talie na lotou iloa ko ni tagata laua o le kakai, ala na leaise sekola ; ti na lotou iloa na la nonofo mo Sesu.

Filipe 1:14

ti ko le lasiga o fetaina i le Aliki na loto makeke o tupu ko oku sai, ti mo toe asilisili toa o fakasa le Evaselio, sala i.