Soane 7:20 - Tosi Tapu

²⁰ Na tali loa le kakai : E nofo iate koe se temonio. Ko ai leia e afa ke tamate ia a koe ?

Soane 7:20 ပူးပေါင်းရင်းမြစ်များ

Mateo 10:25

E feauga fai ki le tisipulo ke tatau mo lona pule, ti mo le tagata fakasausau ke tatau mo lona aliki. Kapau na lotou pati ki le pule o le fale ko Pelesepu a ia, ti e lotou toe pati fenaaki loa ki kakai o lona fale !

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 9:34

Kae na pati loa le kau faliseo : E kapu e ia le kau temonio i le makeke o le pule o le kau temonio.

Maleko 3:30

Na masau fenaaki loa Sesu talie na lotou pati : E iate ia se laumalie veli.

Soane 10:20

Na pati loa le toka api o latou : E nofo iate ia se temonio, kua valea a ia ; kolea e kotou fakalogo ai kiate ia ?

Soane 8:48

Na tali loa le kau Sutea kiate ia : Pe leaise motou maoki koia i lamatou pati ko se Samalia a koe, ti e nofo se temonio iate koe ?

Soane 8:49

Na toe tali loa Sesu : E leaise nofo se temonio iate au ; kae e kau fakaapaapa ki loku Tamana, ti e kotou lauveli mai kiate au.

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.

Gaoi 26:24

I lana masau fenaaki ke fakamatatonu a ia, na kalaga loa Fesitusi : Paulo, kua ke valea ! Kua fakauluvale a koe e lou poto lasi.