Soane 7:17 - Tosi Tapu

¹⁷ Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Soane 7:17 ပူးပေါင်းရင်းမြစ်များ

Pesalemo 119:10

E kau afa a koe i loku loto katoa : Aua na ke tuku au ke sese o mamao i au folafola !

Pesalemo 25:12

Ko ai le tagata leia e i ki le Eteleno ? E fakasa loa e le Eteleno kiate ia le ala leia e tonu ke filifili e ia.

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Taagapati 28:5

Ko tagata ala e fai ia le veli e leaise matala ki le nea leia e totonu ; Kae ko latou ala e afa ia le Eteleno e matala ki nea fuli.

Taagapati 3:32

Talie e fakalialia le Eteleno ki tagata agaveveli, Kae ko le kaukau nea a ia o tagata maokioki ;

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Taniela 12:10

E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Mateo 6:22

Ko le fa mata ko le malama a ia o le tino. Kapau e malie lou fa mata, e malama loa lou tino katoa ;

Luka 8:15

Ko leia e maluku ki le kele malie, ko latou ala e logo ki le folafola i se loto agatonu mo malie, ti e taofi ia a ia, ti e fua o tupu ko le kataki fualoa.

Soane 3:21

kae ko leia e fai ia le maoki e au ki le malama, o tupu ke sa ana gaoi, talie na fai latou i le Atua.

Soane 8:43

Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.