Soane 6:9 - Tosi Tapu

⁹ E nofo i leinei se ga tama leia e maua ia ni fa pane olese e lima mo ni ga ika e lua ; kae kolea lona uiga ki le toka api ?

Soane 6:9 ပူးပေါင်းရင်းမြစ်များ

Uluaki tosi o Sau 4:28

Na lotou tokaga foki ke ave le olese mo le mouku ki osi mo manu mauvave i le ganea leia e nofo ai le sau, o mulimuli le tagata taki toka tasi ki fakatotonu ala na tuku kiate ia.

Lua tosi o Sau 7:1

Na pati loa Eliseo : Kotou fakalogo ki le folafola a le Eteleno ! I apogipogi, i le ola leinei, e maua loa ni kilo falina e kau agafulu tupu lua ki se fa piesi paaga e tasi ti mo ni kilo falina olese e kau lua tupu fa ki se fa piesi paaga e tasi, i le maketi o Samalia.

Pesalemo 147:14

E toe tuku e ia le tokamalie ki lou fenua, E fakamakona e ia a koe ki le fulumeto saosaoa.

Pesalemo 78:19

Na lotou masau veli loa ki le Atua, Na lotou pati loa : Pe mafai loa e le Atua Ke fakatuu se laupapa kai i le toafa ?

Pesalemo 78:41

Io, na leaise gato loa lalatou asiasii le Atua, Ti mo lalatou fakatupu ia le sausau o le Sagato o Iselaele.

Pesalemo 81:16

E fakalai loa kiate ia latou ala e vesia ki le Eteleno, Ti e fualoa loa le manuia o Iselaele o lee gato ;

Esekiele 27:17

Kua fai koloa Suta mo le fenua o Iselaele mo koe : Na lotou soli kiate koe le fulumeto o Miniti, Ni kato, le meli, le lolo, ni nea fakamanogi, O totogi ai ou koloa.

Mateo 14:17

Kae na lotou pati loa kiate ia : E motou maua fai i leinei ni fa pane e lima ti mo ni ga ika e lua.

Mateo 16:9

Pe koi kotou sala atamai aifai, pe leaise koi kotou manatui fua a fa pane e lima ki tagata e tino afe lima ti mo le lasi o polapola ala na kotou ave,

Maleko 6:38

Ti na pati loa Sesu kia latou : Pe fia a fa pane ala e kotou maua ? Kotou ano o tioi. Na lotou afaafa totonu loa, ti na lotou tali loa : E lima, mo ika e lua.

Maleko 8:19

I laku tofitofi a fa pane e lima ki tagata e tino afe e lima, pe ko kete e fia na apele i toei kaiga ala na kotou ave ? Na lotou tali loa kiate ia, e kau agafulu tupu lua.

Luka 9:13

Na pati loa Sesu kia latou : Soli e koutou totonu kia latou se nea ke kai. Kae na lotou tali loa : E motou maua fai ni fa pane e lima mo ni ga ika e lua. Pe ke loto ke motou ano o totogi mai ni nea kai ki le kakai fuli leinei !

Soane 11:21

Na pati loa Maleta kia Sesu : Aliki kanapau na ke nofo i leinei, na leaise mate loku tuagaane.

Soane 11:32

I le kaku a Malia ki le ganea leia na nofo ai Sesu o tio kiate ia, na fakamapee loa a ia ki ona vae, o pati kiate ia : Aliki, kanapau na ke nofo i leinei, na leaise mate loku tuagaane.

Soane 21:10

Na pati loa Sesu kia latou : Aumai ni ika i ika ala nao kotou maua nei fua.

Soane 21:13

Na fakafeofi ake loa Sesu, o too le pane, o soli kia latou, ti na fai tatau foki a ia ki ika.

Soane 21:9

I lalatou kaku ki uta, na lotou tio loa i ai ki ni malala kaka, mo ni ika kua tunu i aluga, ti mo ni fa pane.

Soane 6:11

Na too loa e Sesu a fa pane, o fakafetai, ti mo tufa loa latou kia latou ala kua nonofo ki lalo ; na toe soli foki e ia ni ika kia latou, o fakalogo ki lolatou loto.

Soane 6:7

Na tali loa Filipo kiate ia : Ko fa pane ala e mafai ke too ki ni fa tenalio e kau lelau e lua, e leaise feauga ke lotou tasi mo ia se ga pane.

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Tetelonome 32:14

Mo le sua u o pipi fafine mo ovi fafine, Mo le gako o akeno, Mo ovi tagata o Pasani, mo koti tagata, Mo le fulumeto malie ; Ti na ke inu ia le toto o le vite, le vino.

Tetelonome 8:8

fenua o le fulumeto, mo le olese, mo le vite, mo le fiki, mo le kelenati ; fenua o le olive mo le meli ;

Apokalipisi 6:6

Ti na kau logo loa i loto malie o manu mauuli e fa ki se leo leia na pati : Ko se fua fulumeto e tasi ki se tenalio e tasi, ti ko fua fulumeto uli e tolu ki se tenalio e tasi ; kae aua na ke fai se nea veli ki le lolo mo le vino.