Soane 6:68 - Tosi Tapu

⁶⁸ Na tali loa Simone Petelo kiate ia : Aliki, ke motou ano loa kiate ai ? E nofo iate koe a folafola o le mauli lee gato.

Soane 6:68 ပူးပေါင်းရင်းမြစ်များ

Pesalemo 73:25

Ko ai ake iate koe e kau maua i le lagi ? Ti i le malama nei e kau maua loku fiafia iate koe toka tasi.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Maleko 8:29

Ti na vesili loa Sesu kia latou : Ti ko koutou, e kotou pati ko ai au ? Na tali loa Petelo kiate ia : Ko koe, ko le Kilisito.

Luka 9:20

Na toe vesili loa a ia kia latou : Kae kia koutou, e kotou pati ko ai au ? Na tali loa Petelo : Ko le Kilisito o le Atua.

Soane 12:49

Talie na leaise kau masau iate au totonu ; kae ko le Tamana, leia na kakau ia mai au, na fakatotonu mai kiate au le nea leia e tonu ke kau fakasa, ti mo le nea leia e tonu ke kau akonaki ki ai.

Soane 12:50

Ti e kau iloa ko lana fakatotonu ko le mauli lee gato. Koia ko le nea leia e kau masau ki ai, e kau fakasa a ia ofaipe lona fakasa mai e le Tamana kiate au.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Gaoi 4:12

E leaise fakamauli i se tasi kese, talie e leaise se tasi ake igoa i le lalo lagi nei kua soli ki le tagata, leia e tonu ke tou mauli ai.

Gaoi 5:20

Kotou ano, o tutuu i le fale tapu, ti kotou fakasa ki le kakai a folafola fuli o le mauli leinei.

Gaoi 7:38

Ko ia leia, i le fakatasi i le toafa, na nofo mo le aselo leia na masau kiate ia i le mauga o Sinai ti mo otatou tamana, na tali ia a folafola mauli, ke tuku mai kia koutou.

Gaoi 8:37

Ti na pati loa Filipo : Kapau e ke tui i lou loto katoa, e feala le nea lena. Ti na tali loa le enuke : E kau tui ko Sesu-Kilisito ko le Alo o le Atua.