Soane 6:29 - Tosi Tapu

²⁹ Na tali loa Sesu kia latou : Ko leinei le gaoi a le Atua, ke kotou tui ki leia na kakau mai e ia.

Soane 6:29 ပူးပေါင်းရင်းမြစ်များ

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Soane 6:28

Na lotou pati loa kiate ia : Kolea e tonu ke motou fai, ke fakasoko ai a gaoi a le Atua ?

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Soane 6:57

Ofaipe le Tamana leia e mauli na kakau ia mai au, ti e kau mauli i le Tamana, ko leia e kai kiate au e mauli loa iate au.

Gaoi 16:31

Ti na pati loa Paulo mo Silasi : Tui ki le Aliki ko Sesu, ti e ke mauli loa, a koe mo lou famili.

Uluaki tosi ki le kau Tesalonika 1:3

o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Sakopo 2:22

E ke tio na gaoi le tui mo ana gaoi, ti na liliu loa le tui o malie tukupau i ana gaoi.

Uluaki tosi a Soane 3:23

Ti ko leinei lana fakatotonu : Ke tou tui ki le suafa o lona Alo ko Sesu-Kilisito, ti ke tou fealofaaki ia tatou, o mulimuli ki lana fakatotonu kia tatou.

Uluaki tosi a Soane 5:1

Ko leia e tui ko Sesu ko le Kilisito, na tupu a ia mei le Atua ; ti ko leia e alofa ki leia na fakatupu ia a ia, e toe alofa foki a ia ki leia na tupu meiate ia.

Apokalipisi 2:26

Ki leia e malo loa, ti e fai ia loa aku gaoi o kaku ki le fakaoki, e kau soli loa kiate ia le pule leia na kau maua mei loku Tamana : e kau soli loa kiate ia le pule ki atu puleaga.