Soane 6:27 - Tosi Tapu

²⁷ Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Soane 6:27 ပူးပေါင်းရင်းမြစ်များ

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Pesalemo 40:7

E leaise ke oli ki se sakilifisio pe ko se moliga, Na ke fakamavaa oku taliga. E leaise ke kole se failaulau pe ko se vikitima ki agasala.

Taagapati 9:5

Kotou au, kotou kai ki laku pane, Ti kotou inu ki le vino leia na kau sui ;

Ekelesiasi 6:7

E fai a gaoi fuli a le tagata o tupu ko ona oli, kae e leaise lotou fimalie i se aso.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Apakuki 2:13

Ko leinei, kua fakapapau le Eteleno o kau tau : E gaoi a kakai ki le afi, E pakia noa a atu puleaga.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Mateo 6:19

Aua na kotou tanaki ni koloa i le kele leinei, talie ko le ganea lena e maumau ai le ugogo mo le kelemea, ti ko le ganea foki lena e puui ai ti mo kaia ai le tagata kaia ;

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Maleko 1:11

Ti na fakasa loa e se leo mei le lagi a folafola anei : Ko loku Alo alofaina a koe, leia kua kau tuku ki ai loku alofa katoa.

Maleko 9:7

Na au loa se ao o uufi latou, ti na sa loa se leo mei le ao : Ko ia leinei ko loku Alo alofaina : Kotou fakalogo kiate ia !

Luka 3:22

ti na ifo loa le Laumalie Maokioki kiate ia o fakaata ki se lupe. Ti na fakasa loa e se leo mei le lagi, o pati : Ko koe ko loku Alo alofaina, ti ko koe leia kua kau tuku ki ai loku alofa katoa.

Luka 9:35

Ti na logo mai loa se leo mei le ao, o pati : Ko ia leinei ko loku Alo filifiliia, kotou fakalogo kiate ia !

Soane 10:28

E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima.

Soane 11:42

Kiate au, e kau iloa e ke tali tuumau au ; kae e kau masau o tupu ko le kakai leinei e takatakai ia au, talie ke lotou tui ko koe leia na kakau ia mai au.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Soane 3:15

o tupu ko se tasi fua e tui kiate ia, ke maua e ia le mauli lee gato.

Soane 3:33

Ko leia kua tui ki lana fakamaoki, na fakamaoki a ia e maoki le Atua ;

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Soane 6:47

E maoki, e maoki, e kau pati atu kia koutou, ko leia e tui kiate au e maua e ia le mauli lee gato.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Soane 6:53

Na pati loa Sesu kia latou : E maoki, e maoki, e kau pati atu kia koutou, kapau e leaise kotou kai le tino o le Vosa o le tagata, ti kapau e leaise kotou inu lona toto, e leaise kotou maua le mauli ia koutou totonu.

Soane 6:54

Ko leia e kai ki loku tino ti e inu ki loku toto e maua e ia le mauli lee gato ; ti e kau toe fakatuuake loa a ia i le aso fakamuli.

Soane 6:58

Ko leinei le pane leia na ifo mei le lagi. E leaise tatau a ia mo le mane leia na kai e okoutou tamana ti na lotou mamate : Ko leia e kai ia le pane leinei e mauli loa o lee gato.

Soane 6:62

Ti e feaki ake loa mo ka kotou tio ki le Vosa o le tagata e pale ake ki le ganea leia na nofo ai i mua ?

Soane 6:68

Na tali loa Simone Petelo kiate ia : Aliki, ke motou ano loa kiate ai ? E nofo iate koe a folafola o le mauli lee gato.

Soane 8:18

e kau fakamaoki kiate au, ti e fakamaoki kiate au le Tamana leia na kakau ia mai au.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 2:22

Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ;

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Uluaki tosi ki le kau Kolinto 6:13

Ko nea kai ki le manava, ti ko le manava ki nea kai, ti e maumaui loa e le Atua le manava o tatau mo nea kai. Kae na leaise fakatupu le tino ki le fai feauaki. Na fakatupu a ia ki le Aliki, ti ko le Aliki ki le tino.

Uluaki tosi ki le kau Kolinto 9:2

Kapau ki ni iki e leaise ko se apositolo au, kae e kau apositolo maoki kia koutou ; talie ko le fakamaoki koutou o laku gaoi fakaapositolo i le Aliki.

Lua tosi ki le kau Kolinto 4:18

se fua malie lee gato o le kololia, talie e ma tio, o leai ki nea ala e tio ki ai a mata, kae ki nea ala e leaise tio ki ai a mata ; talie ko nea ala e tio ki ai a mata e fakatemi ; kae ko nea ala e leaise tio ki ai a mata e lee gato.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Tetelonome 30:13

E leaise tuku a ia i leia atu fetuu o le tai, ke ke pati loa : Ko ai leia e fakalaka loa ki leia atu fetuu o le tai, o aumai a ia kia matou, ke motou logo ki ai, o tupu ke motou fai a ia ?

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Kolose 1:29

Ko le nea lena e kau gaoi foki ki ai, o tau i lona makeke leia e gaoi makeke iate au.

Kolose 2:22

lekula ala e liliu fuli o veli i le fakaaoga tuumau, ti e fakatafito fua ki ni fakatotonu mo ni akonaki a tagata ?

Kolose 3:2

Kotou pipiki ki nea o aluga, kae aua ki nea ala i le malama nei.

Uluaki tosi ki le kau Tesalonika 1:3

o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Sakopo 1:11

E fanake le laa mo lona vevela lasi, o fakagini le vao, ti na vilo lona se, ti na puli ai lona fulumalie. E tatau foki mo le tagata mou koloa, e puli loa a ia i loto malie o ana gaoi fuli.

Uluaki tosi a Petelo 1:24

Talie E fai kanofi fuli pe le mutie, Ti ko lona kololia katoa pe le se o le mutie. Egae le mutie, ti e vilo le se ;

Lua tosi a Petelo 1:17

Talie na maua e ia le fakamauiga mo le kololia mei le Atua ko le Tamana, i le lakaga leia na fakasa ai e lona kololia kiate ia se leo leia na pati : Ko loku Alo alofaina leinei, leia kua kau tuku ki ai loku alofa katoa.