Soane 5:5 - Tosi Tapu

⁵ Na nofo i ai se tagata na masaki talu mei fetuu e kau tolu tupu valu.

Soane 5:5 ပူးပေါင်းရင်းမြစ်များ

Maleko 9:21

Na vesili loa Sesu ki le tamana : Pe kua fualoa le soko o le nea leinei kiate ia ? Ti na tali loa le tamana : Talu mei lona ikiiki.

Luka 13:16

Ti ko le fafine leinei, leia ko se taine o Apalaamo, leia na sai e Satana talu mei fetuu e kau agafulu tupu valu, pe leaise tonu ke saofaki a ia mei le tini lena i le aso o le sapato ?

Luka 8:43

Kae na i ai se fafine leia na pupuke talu mei ni fetuu e kau agafulu tupu lua, ti kua oki ona koloa ki le totogi o le kau toketa, kae na leaise fakamauli a ia e se tasi o latou.

Soane 5:14

Talu mei ai, na toe maua loa a ia e Sesu i le fale tapu, ti na pati loa a ia kiate ia : Ko leinei kua ke mauli ; aua na ke toe agasala, talie na soko loa kiate koe se nea leia e toe veli oki ake.

Soane 5:4

talie na tautau ifo mai se aselo ki le maanuaga, o taposu i le vai ; ti ko leia e uluaki ifo ki ai i le oki o lana taposu i le vai e mauli loa i lona masaki.

Soane 5:6

Ko Sesu, i lana tio ki lana moemoe, ti mo lana iloa na nofo masaki a ia talu mei fualoa, na pati loa kiate ia : Pe ke loto ke ke mauli ?

Soane 9:1

Na tio loa Sesu i lana fakalaka ki se tagata na tupu kivi.

Soane 9:21

Kae pe feaki kua tio a ia i le lakaga nei, pe ko ai leia na fakaala ia ona mata, e leaise ma iloa le nea lena. Kotou vesili kiate ia totonu, kua lasi a ia, e masau loa a ia ki le nea o uiga mo ia.

Gaoi 14:8

I Lisitia, na nofo ai se tagata leia na maimoa ona vae, ti na sapaea talu mei lona tupu, ti na leikiaise saele fua.

Gaoi 3:2

Ti na i ai se tagata kito mei lona tupu, leia na aumai i aso fuli, o tuku i mua o le matapa lasi o le fale tapu, leia na igoa ko Fulumalie, o tupu ke kaiisi paaga i ai kia latou ala na ulu ki le fale tapu.

Gaoi 4:22

Talie kua fetuu kau fa tupu le tagata leia na soko ki ai le milakulo lena.

Gaoi 9:33

Na maua loa e ia i ai se tagata na igoa ko Eneo, kua fetuu valu lana moemoe i se palepale, talie na palalisia a ia.