Soane 5:39 - Tosi Tapu

³⁹ E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Soane 5:39 ပူးပေါင်းရင်းမြစ်များ

Pesalemo 1:2

Kae e maua lona fiafia i le lao a le Eteleno, Ti e metitasio ki ai i le ao mo le pouli !

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 133:3

E fai a ia pe le sasau o le Elemoni, Leia e ifo ki mauga o Sione ; Talie ko le ganea lena e kakau mei ai e le Eteleno le tapuakina, Le mauli, ki le lee gato.

Pesalemo 16:11

E ke fakasa mai loa kiate au le ala o le mauli ; E i ai ni fiafia lasi i ou mua, Ni nea malilie lee gato i lou lima atamai.

Pesalemo 21:4

Talie na ke tokoi kiate ia i tapuakina o lou kalasia, Ti na ke teki ki lona ulu se pala aulo mea.

Pesalemo 36:9

E lotou kai makona i le mou koloa o lou fale, E ke fakainu latou i le liua o au nea malilie.

Taagapati 6:23

Talie ko le pelesepeto ko se tuuaga malama, ti ko le akonaki ko se fa malama, Ti ko valoki a le tautea ko le ala o le mauli :

Esaia 34:16

Kotou afa i le tosi a le Eteleno, ti kotou lau ! E leaise se nea fua e tasi e leaise soko loa i nea fuli ana, E leaise puli loa se manu fua e tasi o latou. Talie na fakatotonu a ia e lona gutu. Ko lona Laumalie leia e tanaki ia loa latou.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 8:9

Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Mateo 22:29

Na tali loa Sesu kia latou : E kotou nofo i le faisala, talie e leaise kotou matala fua ki le tosi ti mo le mafimafi o le Atua.

Maleko 10:3

Na tali loa Sesu kia latou : Kolea na fakatotonu atu e Moisese kia koutou ?

Maleko 12:10

Pe na leaise kotou lau le folafola leinei o le Tosi : Ko le fatu leia na tiaki e le kau tufuga Na liliu ko le fatu tafito o le agele ;

Luka 16:29

Na tali loa Apalaamo : E lotou maua Moisese mo le kau polofeta ; ke lotou fakalogo kia latou.

Luka 16:31

Ti na tali loa Apalaamo kiate ia : Kapau e leaise lotou fia logo kia Moisese mo le kau polofeta, ti e leaise lotou toe tui foki mo kapau e toe tuuake se tasi i le kau mate.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Luka 24:27

Ti na kamata loa a ia meia Moisese ti mo le kau polofeta fuli, o fakamatala kia laua i le Tositapu katoa a nea o uiga mo ia.

Luka 24:44

Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Soane 1:45

Na felavei loa Filipo mo Natanaele, ti na pati loa a ia kiate ia : Kua motou maua leia na tosi ki ai Moisese mo le kau polofeta, ko Sesu mei Nasaleti, vosa o Sosefo.

Soane 5:32

E i ai se tasi ake leia e fakamaoki kiate au, ti e kau iloa e maoki lana fakamaoki kiate au.

Soane 5:36

Ko au, e kau maua se fakamaoki leia e lasi ake i le fakamaoki a Soane ; talie ko gaoi ala na tuku mai e le Tamana ke kau fakasoko, a gaoi anei e kau fai, e fakamaoki kiate au ko le Tamana totonu leia na kakau ia mai au.

Soane 5:40

Ti e leaise kotou fia au kiate au, o tupu ke kotou maua le mauli !

Soane 5:46

Talie kanapau na kotou tui kia Moisese, e kotou tui mai foki kiate au, talie na tosi e ia kiate au.

Soane 7:52

Na lotou tali loa kiate ia : Pe toe Kalilea foki mo koe ? Afa, ti ke tio loa e leaise au se polofeta mei Kalilea.

Gaoi 13:27

Kae na leaise iloa loa Sesu e le kakai o Selusalemi ti mo olatou pule, talie na leaise lotou matala foki ki folafola a le kau polofeta ala e lau i aso sapato fuli ; koia na lotou fakamaoki ai loa ki folafola ana, o fakatuaa Sesu ki le mate.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Gaoi 26:27

Ei sau Akilipa, pe ke tui ki le kau polofeta ?… E kau iloa e ke tui ki ai.

Loma 1:2

Evaselio leia na fakapapau i mua e le Atua i lana kau polofeta i le Tosi tapu ;

Loma 3:2

E lasi ai le malie i nea fuli ; uluaki na tuku le folafola a le Atua ki le kau Sutea.

Tetelonome 18:15

E fakatuu ake loa e le Eteleno, lou Atua, i loto malie o ou, i ou fetaina, se polofeta o tatau mo au : ke kotou fakalogo loa kiate ia !

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.

Tetelonome 29:29

Ko nea ala koi munia a le Eteleno, lotatou Atua ; ko nea ala kua fakasa a tatou mo tou fanau, o lee gato, o tupu ke tou fai a folafola fuli o le lao leinei.

Tetelonome 32:47

Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Epelo 11:35

Na toe maua loa e ni fafine olatou mate i le toe tuuake ; Ti na fakavelivelii loa ni iki, o leaise lotou tali loa se saofaki, o tupu ke maua se toe tuuake leia e malie tukupau ake ;

Sosue 1:8

Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.