Soane 5:23 - Tosi Tapu

²³ o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Soane 5:23 ပူးပေါင်းရင်းမြစ်များ

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 45:15

Kae ko se Atua a koe leia e mumuni, Atua o Iselaele, le fakamauli !

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 12:21

Ti e amanaki malie loa a atu puleaga ki lona suafa.

Mateo 15:8

E fakaapaapa le kakai nei kiate au i olatou laugutu, Kae e mamao olatou loto iate au.

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Soane 16:14

E fakakololia loa e ia a au, talie e too loa e ia mei le nea leia a aku, o fakasa atu loa a ia kia koutou.

Soane 17:10

ti ko aku nea fuli ko au nea, ti ko au nea ko aku nea ; ti e kau fakakololia ia latou.

Loma 1:7

kia latou fuli i Loma ko alofaaga o le Atua, ala kua kalagai ke maokioki ki le vokasio : Ke soli atu kia koutou le kalasia mo le tokamalie e le Atua, lotatou Tamana, ti mo le Aliki ko Sesu-Kilisito !

Loma 15:12

Na pati foki Esaia : E tupu loa ia Isaia se afusa, Leia e malaga ake loa o sau i atu puleaga ; Eamanaki malie loa a atu puleaga kiate ia.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 8:9

Kia koutou, e leaise kotou mauli o mulimuli ki le kanofi, kae o mulimuli ki le Laumalie, mo kapau e nofo maoki ia koutou le Laumalie o le Atua. Kapau e leaise maua e se tasi le Laumalie o Kilisito, e leaise kau a ia kiate ia.

Uluaki tosi ki le kau Kolinto 1:3

Ke soli atu le kalasia mo le tokamalie kia koutou e le Atua ko lotatou Tamana ti mo le Aliki ko Sesu-Kilisito !

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Lua tosi ki le kau Kolinto 1:9

Kae na ma tio kua tuku maoki maua ki le mate, o tupu ke aua na ma fanaki kia maua totonu, kae ki le Atua leia e toe fakatuuake ia le kau mate.

Lua tosi ki le kau Kolinto 5:14

Talie e ekenaki maua e le alofa o Kilisito, talie e ma iloa kapau na mate se toka tasi ki tagata fuli, ti na mamate a tagata fuli ;

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Efeso 6:24

Ke nofo le kalasia ia latou fuli ala e alofa ki lotatou Aliki ko Sesu-Kilisito i se alofa lee popo.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Epelo 1:6

Ti i lana fakaulu le uluaki tupu ki le malama nei, na toe pati a ia : Ke atolasio kiate ia a aselo fuli o le Atua

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Uluaki tosi a Soane 2:23

Ko leia e fakafiti ki le Alo e leaise maua foki e ia le Tamana ; ti ko leia e fakasa ia i le kaugamalie e kau a ia ki le Alo, e maua foki e ia le Tamana.

Lua tosi a Soane 1:9

Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.