Na pati loa Sesu kia latou : Soli e koutou totonu kia latou se nea ke kai. Kae na lotou tali loa : E motou maua fai ni fa pane e lima mo ni ga ika e lua. Pe ke loto ke motou ano o totogi mai ni nea kai ki le kakai fuli leinei !
I lena, na kaku ake loa ana tisipulo, o punamauli i lana masau mo se fafine. Kae na leaise pati loa se tasi : Kolea e ke kole ? Pe : E ke masau mo ia kilea ?
Na tui loa kia Sesu se kau Samalia toka api o le kolo lena, o tupu ko le masau a le fafine leia na fai ia le fakamaoki leinei : Na fakasa mai e ia kiate au a nea fuli ala na kau fai.
