Soane 4:41 - Tosi Tapu

⁴¹ Ti na tui loa se kakai leia na toe lasi ake o tupu ko lana folafola ;

Soane 4:41 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Luka 4:32

Na lotou punamauli ai i lana akonaki, talie na masau a ia i se makeke.

Soane 4:40

Koia, i le au loa a le kau Samalia kiate ia, na lotou kole ai loa kiate ia ke nofo mo latou. Ti na nofo loa a ia i ai i aso e lua.

Soane 4:42

ti na lotou pati loa ki le fafine : E leaise motou tui o tupu ko nea ala na ke pati ki ai ; talie kua motou logo tonu kiate ia, ti kua motou iloa ko le fakamauli maoki a ia o le malama nei.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Soane 7:46

Na tali loa le kau tagata fakasausau : E leikiai se tagata kua masau i se aso ofaipe le tagata lena.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 15:3

I le oki o lolatou tuku ake e le Ekelesia, na lotou soko atu loa lolatou fanoga i Fenisia mo Samalia, o fakamatala ki fetaina le tafoki o le kau pagani, ti na lotou fiafia lasi ai.

Gaoi 8:12

Kae, i lalatou tui loa kia Filipo, leia na fakasa ia kia latou le logo malie o le Puleaga o le Atua ti mo le suafa o Sesu-Kilisito, na lotou papitema loa, a tagata mo fafine.

Gaoi 8:25

I le oki o lala fakamaoki ki le folafola a le Aliki, ti mo lala fakasa a ia, na toe liliu loa Petelo mo Soane ki Selusalemi, o fakamafola le Evaselio i ni kolo mauke ai o le kau Samalia.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.