Soane 4:36 - Tosi Tapu

³⁶ Ko leia e tuuti e maua e ia se totogi, ti e tanaki e ia ni fua ki le mauli lee gato, o tupu ko leia e to mo leia e tuuti ke la fiafia fakatasi.

Soane 4:36 ပူးပေါင်းရင်းမြစ်များ

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 11:30

Ko le fua o le tagata agatonu ko se laakau o le mauli, Ti ko leia e fakamauli ia ni laumalie e poto.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Mateo 19:29

Ti ko leia e tuku ia loa, o tupu ko loku suafa, ona fetaina, mo ona tuagaane, mo lona tamana, mo lona tinana, mo lona avaga, mo ana fanau, mo ona kele, mo ona fale, e maua loa e ia o liuga kau lelau, ti e maua tofiga loa e ia le mauli lee gato.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Loma 1:13

Fetaina, e kau loto ke kotou iloa kua tua lasi ai laku fakatuutuu ke kau natu kia koutou, o tupu ke kau maua ni fua ia koutou ofaipe i la ake puleaga ; kae na tau taofi au o kaku mai ki le aso nei.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Uluaki tosi ki le kau Kolinto 9:17

Kapau e kau fai a ia i le loto malie, e kau maua loku totogi ; kae kapau e kau fai a ia logo ai ko au, ko se kavega a ia kua tuku mai kiate au.

Uluaki tosi ki le kau Kolinto 9:18

Kolea loa loku totogi ? Ko le momoli noa o le Evaselio leia e kau fakasa, kae leaise fakaaoga loku uiga ko le tagata fakamafola Evaselio.

Uluaki tosi ki le kau Tesalonika 2:19

Talie kolea lamatou amanaki malie, mo lomatou fiafia, ti mo lomatou pala o le kololia ? Pe leaise ko koutou foki i mua o lotatou Aliki ko Sesu, i le aso o lona toe liliu mai ?

Uluaki tosi kia Timoteo 4:16

Tokaga kiate koe totonu, ti mo lau akonaki ; kataki fualoa i nea ana, talie, i lau fai fenaaki, e ke saofaki ai loa a koe totonu, ti e ke saofaki ai foki latou ala e fakalogologo atu kiate koe.