Soane 4:32 - Tosi Tapu

³² Kae na pati loa a ia kia latou : E i ai saku nea kai leia e leaise kotou iloa.

Soane 4:32 ပူးပေါင်းရင်းမြစ်များ

Sopo 23:12

Na leaise kau tiaki a lao o ona laugutu ; Na kau peluki loku loto ki folafola o lona gutu.

Pesalemo 119:103

E suamalie au folafola ki oku kau gutu, O lasi ake i le meli ki le gutu !

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Pesalemo 63:5

E kau fakamalo loa kiate koe i loku mauli katoa, E kau siki loa oku lima i lou suafa.

Taagapati 14:10

E iloa e le loto ona mamae o ona, Ti e leaise feala ke kau se tasi kese i ona fiafia.

Taagapati 18:20

E fakamakona e le tagata lona tino ki le fua o lona gutu ; Ti e fakamakona e ia a ia ki le fua o ona laugutu.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Soane 4:31

I le temi lena, na fakakolekole e le kau tisipulo kiate ia ke kai, o pati : Pule, kai.

Soane 4:33

Ti na pati loa le kau tisipulo ia latou : Pe na aumai e se tasi se nea kai kiate ia ?

Soane 4:34

Na pati loa Sesu kia latou : Ko laku nea kai ko le fai o le finegalo o leia na kakau ia mai au, ti mo le fakasoko o lana gaoi.

Gaoi 20:35

Ti na kau fakasa kia koutou i nea fuli ana, e tonu ke kotou gaoi fenaaki, o tokoi ki le kau mativa, ti mo manatui a folafola a le Aliki, leia na pati totonu : E manuia lasi ake le soli i le tali.

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.