Soane 4:23 - Tosi Tapu

²³ Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Soane 4:23 ပူးပေါင်းရင်းမြစ်များ

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Pesalemo 17:1

Kole a Tavite. Eteleno ! fakalogo mai ki loku agatonu, tokaga mai ki aku tagi, Fakalogo mai lou taliga ki laku kole leia e fai atu i ni laugutu mea !

Pesalemo 32:2

Manuia le tagata leia e leaise lau ki ai e le Eteleno lana agaveli, Ti e leaise maua se kaka i lona loto !

Pesalemo 51:6

Na kau agasala kiate koe toka tasi, Ti na kau fai le nea leia e veli ki ou mata ; Koia e ke faitotonu ai loa i lau fakatuutuu, ti e ke maokioki ai loa i lau fakamaau.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Katiko o Katiko 2:14

A koe ko laku lupe, leia e nofo i pu o le utu, Leia e mumuni i potu faigataa, Fakasa mai ou mata ke kau tio ki ai, Masau mai ke kau logo ki lou leo ; Talie e logo malie lou leo, ti e fakaaloalofa ou mata.

Esaia 10:20

I le aso lena, Ko le toetoega o Iselaele mo latou ala na sao i le fale o Sakopo, E leaise toe fanaki loa ki leia na taai ia latou. Kae e lotou fanaki loa i le loto katoa ki le Eteleno, le Sagato o Iselaele.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Selemia 3:10

Kae logo ai a nea fuli ana, na leaise tafoki mai kiate au, lona taina kaka ko Suta, i lona loto katoa ; kae na tafoki fakakaka mai fai a ia kiate au, e pati le Eteleno.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Esekiele 22:30

E kau afa ia latou se tagata leia e fakatuu ia se kaua, leia e tuu i le pu o le kaua i oku mua o tupu ko le fenua, o tupu ke aua na kau maumaui a ia ; kae e leaise kau maua se tasi.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 12:23

Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 16:2

E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Soane 16:32

Ko leinei, e au le ola, ti kua au foki a ia, leia e kotou mavetevete ai loa, kae kotou tuku loa au toka tasi ; kae e leaise kau toka tasi, talie e nofo le Tamana mo au.

Soane 4:21

Na pati loa Sesu kiate ia : Fafine, tui mai kiate au, kua soko mai le ola leia e leaise kotou toe atolasio ai loa ki le Tamana i le mauga leinei, pe ko Selusalemi.

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Soane 5:28

Aua na kotou punamauli ki le nea lena ; talie e au le ola leia e logo ai loa latou fuli ala e nonofo i tanuma ki lona leo, ti e lotou ulu loa ki tafa.

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 8:15

Ti na leaise kotou tali se laumalie o le popula ke kotou toe nonofo ai i le i ; kae kua kotou tali se Laumalie o le fufui, leia e tou kalaga ai : Apa ! Tamana !

Loma 8:26

Ti e tokoi mai foki le Laumalie kia tatou i lotatou gaegae, talie e leaise tou iloa le nea leia e malie ke tou kole i atatou faikole. Kae e faikole le Laumalie totonu kia tatou i ni tagi e leaise mafai ke fakasa e ni kupu.

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Efeso 6:18

Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Sosue 24:14

I le aso nei, ke kotou i ki le Eteleno ti ke kotou tausi kiate ia i lokoutou loto katoa mo le loto agatonu. Ke kotou maumaui a atua ala na tausi ki ai okoutou tamana, i leia fetuu o le vaitafe ko le Eufalate ti mo Esipito, kae ke kotou tausi ki le Eteleno.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Samuele 12:24

Ke kotou i ki le Eteleno, mo kotou tausi agatonu kiate ia i lokoutou loto katoa ; talie kua kotou tio ki lona mafimafi i loto malie o koutou.