Soane 4:15 - Tosi Tapu

¹⁵ Na pati loa le fafine kiate ia : Aliki, soli mai kiate au le vai lena, o tupu ke aua na kau toe fia inu, ti ke aua na kau toe au o asu vai i leinei.

Soane 4:15 ပူးပေါင်းရင်းမြစ်များ

Pesalemo 4:6

Ke kotou momoli ni sakilifisio o le faitotonu, Ti ke kotou fanaki ki le Eteleno.

Soane 4:16

Na pati loa Sesu kiate ia : Ano, o kalagai mai lou avaga, ti ke au ki leinei,

Soane 6:26

Na tali loa Sesu kia latou : E maoki, e maoki, e kau pati atu kia koutou, e kotou afa au, o leaise tupu ko lakotou tio ki ni milakulo, kae o tupu ko lakotou kai ni pane o makokona.

Soane 6:34

Na lotou pati loa kiate ia : Aliki, soli tuumau mai kia matou le pane lena.

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Loma 8:5

Koia, ko latou ala e mauli o mulimuli ki le kanofi e tokaga ki nea o le kanofi, kae ko latou ala e mauli o mulimuli ki le Laumalie e tokaga ki nea o le Laumalie.

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.

Sakopo 4:3

E kotou kole, ti e leaise kotou maua, talie e kotou kole veli, talie ke fakafimalie ai okoutou oli fakavale.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.