Soane 3:5 - Tosi Tapu

⁵ Na tali loa Sesu : E maoki, e maoki, e kau pati atu kiate koe, kapau e leaise tupu se tagata i le vai mo le Laumalie Maokioki, e leaise feala ke ulu a ia ki le puleaga o le Atua.

Soane 3:5 ပူးပေါင်းရင်းမြစ်များ

Mateo 18:3

o pati : E kau pati maoki atu kia koutou, kapau e leaise kotou tafoki ti mo kotou liliu ofaipe ni toe liliki, e leaise kotou ulu loa ki le puleaga o le atu lagi.

Mateo 19:24

E kau toe pati atu kia koutou, e faigaofie ake ke ulu se kamelo i le pu o se tui i le ulu a se tagata mou koloa ki le puleaga o le Atua.

Mateo 21:31

Ko ai ia laua na fai ia le finegalo o le tamana ? Na lotou tali loa : Ko le uluaki. Ti na pati loa Sesu kia latou : E kau pati maoki atu kia koutou, e muamua loa le kau popelikano mo fafine faiaga ki le puleaga o le Atua ia koutou.

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Mateo 5:20

Talie e kau pati atu kia koutou, kapau e leaise fakalaka ake lakoutou faitotonu i le faitotonu a le kau sekelipa mo le kau faliseo, e leaise kotou ulu loa ki le Puleaga o le atu lagi.

Maleko 10:14

I le tio a Sesu ki le nea lena, na mamae ai, ti na pati loa a ia kia latou : Kotou tuku ke au kiate au a toe liliki, kae aua na kotou taofi latou ; talie e fakalogo le puleaga o le Atua kia latou ala e tatau mo toe liliki.

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Maleko 9:47

Ti kapau e fakasalai a koe e lou fa mata, kapei a ia ; e malie ake lau ulu fa mata tasi ki le puleaga o le Atua, i lau maua ni fa mata e lua kae ti loa a koe ki Ifeli.

Luka 13:24

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Luka 13:3

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa.

Luka 13:5

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Soane 1:13

o leia i le toto, pe i le finegalo o le kanofi, pe i le finegalo o le tagata, kae i le Atua.

Soane 3:3

Na tali loa Sesu kiate ia : E maoki, e maoki, e kau pati atu kiate koe, kapau e leaise tupu foou se tagata, e leaise feala ke tio a ia ki le puleaga o le Atua.

Soane 3:4

Na pati loa Nikotemo kiate ia : Pe mafai feaki ke tupu se tagata mo ka kua matua a ia ? Pe mafai ke toe ulu a ia ki le manava o lona tinana, o toe tupu ?

Gaoi 2:38

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Uluaki tosi ki le kau Kolinto 2:12

Ti ko tatou, na leaise tou tali le laumalie o le malama nei, kae ko le Laumalie leia e au mei le Atua, o tupu ke tou iloa a nea ala na soli mai e le Atua kia tatou i lona kalasia.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Petelo 3:21

Ko le vai lena ko le fakatata o le papitema, leia e leaise ko le fakamea o kelekele o le tino, kae ko le fakapapau a se atamai mea ki le Atua, leia foki e saofaki ia koutou i le temi nei ki le toe tuuake o Sesu-Kilisito ;

Uluaki tosi a Soane 2:29

Kapau e kotou iloa e maokioki a ia, kotou iloa ko leia e saele i le maokioki na tupu a ia meiate ia.

Uluaki tosi a Soane 5:1

Ko leia e tui ko Sesu ko le Kilisito, na tupu a ia mei le Atua ; ti ko leia e alofa ki leia na fakatupu ia a ia, e toe alofa foki a ia ki leia na tupu meiate ia.