Soane 3:32 - Tosi Tapu

³² e fakamaoki a ia ki nea ala na tio a ia mo logo ki ai, ti e leaise tali fua e se tasi lana fakamaoki.

Soane 3:32 ပူးပေါင်းရင်းမြစ်များ

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 53:1

Ko ai na tui ki le nea leia na fakasa fakatomua mai kia tatou ? Ko ai na iloa ia le lima o le Eteleno ?

Mateo 7:8

Talie ko leia e kole e tali, ko leia e afa e maua, ti e fakamavaa ki leia e fitifiti.

Soane 1:11

Na au a ia ki lona kakai, kae na leaise tali a ia e lona kakai.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 3:11

E maoki, e maoki, e kau pati atu kiate koe, e motou pati ki le nea leia e motou iloa, ti e motou fakamaoki ki le nea leia na motou tio ki ai ; kae e leaise kotou tali lamatou fakamaoki.

Soane 3:26

Na lotou ano loa kia Soane, o pati kiate ia : Pule, ko leia na nofo mo koe i leia atu kauvai o le Solotane, leia na ke fakamaoki ki ai, ko leinei, e faipapitema a ia, ti kua ano fuli le kakai kiate ia.

Soane 3:33

Ko leia kua tui ki lana fakamaoki, na fakamaoki a ia e maoki le Atua ;

Soane 5:20

Talie e alofa le Tamana ki le Alo, o fakasa e ia kiate ia a nea fuli ala e fai e ia ; ti e fakasa loa e ia kiate ia ni gaoi lalasi ake i gaoi anei, o tupu ke kotou ofolele ai.

Soane 8:26

E lasi ai a nea ala e kau fia masau ki ai mo fia valoki ia koutou ; kae ko leia na kakau ia mai au e maoki, ti ko le nea leia na kau logo meiate ia, e kau fakasa a ia ki le malama nei.