Soane 3:29 - Tosi Tapu

²⁹ Ko leia a ana le fafine avaga, ko le tagata avaga ; kae ko le kaukaunea o le tagata avaga, leia e tuu i ona tafa o logo kiate ia, e logoi e ia se fiafia lasi, o tupu ko le leo o le tagata avaga : koia ko le fiafia lena, leia ko looku foki, kua katoa.

Soane 3:29 ပူးပေါင်းရင်းမြစ်များ

Katiko o Katiko 3:11

Kotou ulu ki fafo, taineliki o Sione, kotou tio Ki le sau ko Salomone, Mo le pala leia na fakapala ki ai lona ulu e lona tinana I le aso o lona feauaki, I le aso o le fiafia o lona loto.

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 66:11

O tupu ke fagai koutou ke makokona Ki le sua u o ana fakapelepele, O tupu ke kotou mimiti i le fiafia Le apele katoa o lona kololia.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Oseo 2:19

E kau too loa mei lona gutu a igoa o Paale, o tupu ke aua na toe too olatou igoa.

Mateo 22:2

E fakatatau le puleaga o le atu lagi ki se sau leia na fai ia se kaitasi ki le avaga o lona vosa.

Mateo 25:1

Ti e toe fakatatau loa le puleaga o le atu lagi ki ni taineliki taupoou e tino agafulu, ala na too ia olatou malama, ti na ano loa o fakafetaulaki ki le tagata avaga.

Mateo 9:15

Na tali loa Sesu kia latou : Pe feala ke mamae a kaukau nea o le tagata avaga, kae koi nofo le tagata avaga mo latou ? E soko mai loa a aso ala e too ai loa le tagata avaga meia latou, ti e lotou sesunio loa.

Luka 15:6

ti ka toe liliu a ia ki fale, e kalagai e ia ona kaukau nea mo ona vasaa fale, o pati kia latou : Kotou fiafia mo au, talie kua kau maua laku ovi leia na puli.

Soane 15:11

Kua kau fakasa a nea ana kia koutou, o tupu ke nofo loku fiafia ia koutou, ti ke katoa lokoutou fiafia.

Soane 16:24

O kaku mai ki le lakaga nei, na leaise kotou kole fua se nea i loku suafa. Kotou kole, ti e kotou tali loa, o tupu ke katoa lokoutou fiafia.

Soane 17:13

Ti ko leinei, e kau natu kiate koe, ti e kau fakasa a nea ana i le malama nei, o tupu ke katoa ia latou loku fiafia.

Soane 3:30

E tonu ke tupu ake a ia o lasi, kae ke kau ifo o ikiiki.

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.

Filipe 2:2

kotou fakakatoa loku fiafia, o kotou maua se manatu loto e tasi, mo se alofa e tasi, mo se laumalie e tasi, ti mo se manatu e tasi.

Uluaki tosi a Soane 1:4

Ti e motou tosi a nea anei, o tupu ke katoa lomatou fiafia.

Lua tosi a Soane 1:12

E lasi a nea ala e kau fia masau atu kia koutou, kae e leaise kau loto ke tosi atu latou kia koutou i le pepa mo le vaitosi ; kae e kau amanaki malie ke kau natu kia koutou, ti ke kau masau gutu atu kia koutou, o tupu ke tou apele i le fiafia.

Apokalipisi 21:9

Ti na oki a ia, ko se tasi o aselo e toka fitu, ala na too ia a ipu e fitu kua apele i malaia fakaoki e fitu, na au loa o masau mai kiate au, o pati : Au, e kau fakasa atu loa kiate koe le feauaki, le avaga o le Akeno.