Soane 3:27 - Tosi Tapu

²⁷ Na tali loa Soane : E maua fai e le tagata le nea leia na tuku kiate ia mei le lagi.

Soane 3:27 ပူးပေါင်းရင်းမြစ်များ

Selemia 1:5

Na kau iloa a koe i mua o laku fakatupu a koe i le manava o lou tinana, ti na kau fakatapui a koe, ti na kau fakanofo a koe ko le polofeta o atu puleaga i mua o lau mavae i lona manava.

Selemia 17:16

Ti ko au, i laku fakalogo kiate koe, na leaise kau fakafiti ke kau liliu ko le tagata tausi ovi ; Na leaise kau oli foki ki le aso o le malaia, e ke iloa a ia ; Ko le nea leia na mavae mei oku laugutu e tuu i ou mua.

Amosi 7:15

Kae na too au e le Eteleno i muli o le kau manu, ti na pati mai loa le Eteleno kiate au : Ano, ti ke kikite ki loku kakai ko Iselaele.

Numelo 17:5

Ko le tagata leia e kau filifili loa ko ia leia e se loa lana tokotoko, ti e kau fakagato loa i oku mua a lalau ala e fai e fanau a Iselaele kia koulua.

Mateo 21:25

Pe au meifea le papitema a Soane ? Mei lagi, pe mei tagata ? Kae na lotou manatu loa ia latou : Kapau e tou tali : Mei lagi, e pati mai loa a ia kia tatou : Kolea loa na leaise kotou tui ai kiate ia ?

Mateo 25:15

Na soli loa e ia ni fa tenalio e lima ki se tasi, ti lua ki leia ake, ti tasi ki le tolu, o mulimuli ki le mafai a le tagata taki toka tasi ; ti na ano loa a ia.

Maleko 13:34

E fai loa pe se tagata leia ka folau e tuku ia lona fale. E tuku e ia le pule ki ana tagata fakasausau, o fakailoilo ki le tagata taki toka tasi lana gaoi, ti fakatotonu ki le tagata taupau matapa ke leo.

Soane 10:41

Na toka api le kakai leia na au loa kiate ia, ti na lotou pati : Na leaise fai e Soane se milakulo fua e tasi ; kae e maoki a nea fuli ala na fakasa e ia o uiga mo le tagata leinei.

Soane 6:65

Ti na toe pati loa a ia : Ko le tupuaga lena o laku pati atu kia koutou e leaise feala ke au se tasi kiate au mo kapau e leaise soli le nea lena kiate ia e le Tamana.

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 12:6

Kae tupu e tou maua ni nea alofa kesekese, o mulimuli ki le kalasia kua soli mai kia tatou, ko leia e fai kikite ke fai e ia o fakatatau ki le lasi o le tui ;

Uluaki tosi ki le kau Kolinto 1:1

Ko au Paulo, leia na kalagai ke liliu ko le apositolo a Sesu-Kilisito i le finegalo o le Atua, mo le taina ko Sositene,

Uluaki tosi ki le kau Kolinto 12:11

Ko se Laumalie fuai e tasi leia e fai ia a nea fuli ana, ti mo tufa ia latou ki le tagata taki toka tasi o mulimuli ki lona finegalo.

Uluaki tosi ki le kau Kolinto 15:10

Kae i le kalasia o le Atua, kua kau liliu o feneeki, ti na leaise ano noa lona kalasia kiate au ; mamao ai, na kau gaoi lasi ake ia latou fuli, kae na leaise ko au toka tasi, kae ko le kalasia o le Atua iate au.

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Uluaki tosi ki le kau Kolinto 4:7

Talie ko ai e fakakese ia a koe ? Kolea e ke maua na leaise ke tali ? Ti kapau na ke tali le nea lena, kolea e ke fakakololia ai, o sakinake na leaise ke tali a ia ?

Kalate 1:1

Ko au Paulo, ko le apositolo, leai mei tagata, pe i se tagata, kae meia Sesu-Kilisito ti mo le Atua le Tamana, leia na fakatuuake ia a ia mei le kau mate,

Efeso 1:1

Ko au Paulo, apositolo a Sesu-Kilisito i le finegalo o le Atua, ki le kau sagato i Efeso ti mo le kau agatonu ia Sesu-Kilisito :

Uluaki tosi kia Timoteo 2:7

ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.