Soane 3:19 - Tosi Tapu

¹⁹ Ti ko leinei le fakamaau lena, na au le malama ki le malama nei, kae na filifili e tagata le fakapouli i le malama, talie na veveli alatou gaoi.

Soane 3:19 ပူးပေါင်းရင်းမြစ်များ

Taagapati 2:13

Ia latou ala e tiaki ia a ala o le maoki, O tupu ke saele i ni ala fakapouli,

Selemia 9:6

E tuu lou nofoaga i loto malie o le kaka ; E leaise lotou fia iloa au, o tupu ko le fai kaka, E pati le Eteleno.

Levitiko 11:16

Le otulusi, mo le lulu, mo le gogo, mo le epelevie, ti mo manu fuli ala e kau ki olatou famili ;

Levitiko 13:10

Ti e tioi loa a ia e le tagata faisakilifisio : kapau e tea le mata o le fakafufula i le kili, ti kua tea a fulu o le ganea lena, ti kua sa le kanofi mauli i le papala,

Sakalia 14:19

Ko lena loa le tautea o Esipito, Le tautea o puleaga fuli Ala e leaise pale loa o fakamanatu le aso o tapenakulo.

Luka 12:47

Ko le tagata fakasausau leia e iloa ia le finegalo o lona pule, kae na leaise teuteui e ia se nea, ti na leaise gaoi a ia o mulimuli ki lona finegalo, e tamate loa a ia ki ni fa ta mauke.

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Soane 1:4

Na iate ia le mauli, ti ko le mauli ko le malama a ia o tagata.

Soane 1:5

Na ula le malama i le fakapouli, kae na leaise tali a ia e le fakapouli.

Soane 12:31

Ko leinei le ola leia e fakamaaui ai le malama nei ; ko leinei le ola leia e ti ai loa le pule o le malama nei ki fafo.

Soane 12:43

Talie na lasi ake lalatou fia fai ki le kololia o le tagata i le kololia o le Atua.

Soane 12:46

Na kau au ofaipe se malama ki le malama nei, o tupu ke aua na nofo i le fakapouli leia e tui mai kiate au.

Soane 5:44

E feaki le mafai ke kotou tui, koutou ala e afa ia lokoutou kololia ia koutou, kae e leaise kotou afa le kololia leia e au mei le Atua toka tasi ?

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Soane 9:5

I laku koi nofo i le malama nei, ko le malama au o le malama nei.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Loma 2:8

kae ko le sausau mo le mamae lasi kia latou ala e agatuu, mo patigataa ki le maoki kae patigaofie ki le agasala.

Lua tosi ki le kau Tesalonika 2:12

ti ke tautea ai latou fuli ala na leaise tui ki le maoki, kae na fiafia ki le lee agatonu.

Uluaki tosi a Petelo 2:8

E lotou tukia i ai talie na leaise lotou tui ki le folafola, ti kua fakatuutuu latou ki le nea foki lena.

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.