Soane 3:17 - Tosi Tapu

¹⁷ Talie na leaise kakau mai e le Atua lona Alo ki le malama nei ke fakamaaui e ia le malama nei, kae ke mauli le malama nei iate ia.

Soane 3:17 ပူးပေါင်းရင်းမြစ်များ

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 18:11

Talie na au le Vosa o le tagata o saofaki le nea leia kua puli.

Luka 19:10

Talie kua au le Vosa o le tagata ke afa mo fakamauli le nea leia kua puli.

Luka 9:56

Talie na leaise au le Vosa o le tagata ke fakapuli a mauli o tagata, kae ke fakamauli latou. Ti na lotou ano loa ki se tasi ake kolo.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 10:36

ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua.

Soane 11:42

Kiate au, e kau iloa e ke tali tuumau au ; kae e kau masau o tupu ko le kakai leinei e takatakai ia au, talie ke lotou tui ko koe leia na kakau ia mai au.

Soane 17:18

Ofaipe lau kakau mai au ki le malama nei, na kau toe kakau foki latou ki le malama nei.

Soane 17:21

o tupu ke lotou liliu fuli ko se nea e tasi, ofaipe koe, Tamana, e ke nofo iate au, ti mo au iate koe, o tupu ke lotou liliu foki ko se nea e tasi ia taua : O tupu ke tui le malama nei na ke kakau mai au.

Soane 17:23

ko au ia latou, ti ko koe iate au, o tupu ke lotou liliu maoki ko se nea e tasi, ti ke iloa e le malama nei na ke kakau mai au, ti na ke alofa kia latou ofaipe lou alofa kiate au.

Soane 17:25

Tamana faitotonu, na leaise iloa a koe e le malama nei ; kae na kau iloa a koe, ti kua iloa e latou anei na ke kakau ia mai au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Soane 5:36

Ko au, e kau maua se fakamaoki leia e lasi ake i le fakamaoki a Soane ; talie ko gaoi ala na tuku mai e le Tamana ke kau fakasoko, a gaoi anei e kau fai, e fakamaoki kiate au ko le Tamana totonu leia na kakau ia mai au.

Soane 5:38

ti e leaise nofo lana folafola ia koutou, talie e leaise kotou tui ki leia na kakau mai e ia.

Soane 5:45

Aua na kotou manatu, ko au e kau tukugavelii ia loa koutou i mua o le Tamana, ko leia e tukugavelii ia koutou, ko Moisese, leia na kotou tuku ki ai lakoutou fanaki.

Soane 6:29

Na tali loa Sesu kia latou : Ko leinei le gaoi a le Atua, ke kotou tui ki leia na kakau mai e ia.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Soane 6:57

Ofaipe le Tamana leia e mauli na kakau ia mai au, ti e kau mauli i le Tamana, ko leia e kai kiate au e mauli loa iate au.

Soane 7:29

Ko au, e kau iloa a ia, talie e kau au meiate ia, ti ko ia leia na kakau ia mai au.

Soane 8:11

Na tali loa a ia : Leai, Aliki. Ti na pati loa Sesu kiate ia : E leaise kau fakatuaa foki a koe, ano ti aua na ke toe agasala loa.

Soane 8:42

Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Uluaki tosi a Soane 4:14

Ti ko matou, na motou tio, ti e motou fakamaoki na kakau e le Tamana lona Alo ko le Fakamauli ki le malama nei.