Soane 3:16 - Tosi Tapu

¹⁶ Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Soane 3:16 ပူးပေါင်းရင်းမြစ်များ

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Senesi 22:2

Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Maleko 12:6

Ti na koi maua e ia se vosa alofaina ; na kakau fakamuli loa e ia a ia kia latou, o pati : E lotou fakaapaapa loa ki loku vosa.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 10:28

E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima.

Soane 3:15

o tupu ko se tasi fua e tui kiate ia, ke maua e ia le mauli lee gato.

Soane 3:18

Ko leia e tui kiate ia e leaise fakamaaui loa ; kae ko leia e leaise tui kua fakamaaui a ia, talie na leaise tui a ia ki le suafa o le Alo fuatasi o le Atua.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Efeso 2:4

Kae ko le Atua, leia e mou koloa i le manavaalofa, o tupu ko le alofa lasi leia na alofa ai a ia kia tatou,

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Tito 3:4

Kae i le oki o le fakasa o le agamalie o le Atua ko lotatou Fakamauli ti mo lona alofa ki le tagata,

Epelo 2:9

Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,