Soane 3:13 - Tosi Tapu

¹³ E leikiaise pale se tagata ki le lagi, kae gato fuai ki leia na ifo mei le lagi, le Vosa o le tagata leia e nofo i le lagi.

Soane 3:13 ပူးပေါင်းရင်းမြစ်များ

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 13:3

ti kua iloa e Sesu kua tuku e le Tamana a nea fuli ki ona lima, ti na au a ia mei le Atua, ti ka toe liliu a ia ki le Atua,

Soane 17:5

Ti ko leinei, ei Tamana, fakakololia au i ou tafa totonu ki le kololia leia na kau maua i ou tafa i mua o le fakatupu o le malama nei.

Soane 3:12

Kapau e leaise kotou tui mo ka kau masau atu ki nea o le kele, ti e feaki ake loa ke kotou tui peka kau masau atu loa kia koutou ki nea o le lagi ?

Soane 3:31

Ko leia e au mei aluga e taualuga a ia i tagata fuli ; ko leia na tupu i le kele e kele, ti e masau a ia ofaipe se tasi o le kele. Ko leia e au mei lagi e taualuga a ia i tagata fuli,

Soane 6:33

talie ko le pane o le Atua ko leia e ifo mei lagi o soli le mauli ki le malama nei.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Soane 6:42

Ti na lotou pati : Pe leaise ko Sesu koia lena, le vosa o Sosefo, leia e tou iloa lona tamana mo lona tinana ? Ti kolea e pati ai loa a ia : Na kau ifo mei le lagi ?

Soane 6:46

Ti e leai se tasi leia kua tio ki le Tamana, gato tasi ki leia e au mei le Atua ; ko ia lena na tio ki le Tamana.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Soane 6:62

Ti e feaki ake loa mo ka kotou tio ki le Vosa o le tagata e pale ake ki le ganea leia na nofo ai i mua ?

Soane 8:42

Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au.

Gaoi 2:34

Talie na leaise pale Tavite ki le lagi kae na fakasa e ia totonu : Na pati le Aliki ki loku Aliki : Eke a koe i loku fetuu atamai,

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Loma 10:6

Kae ko leinei le masau a le faitotonu leia e au mei le tui : Aua na ke pati i lou loto : Ko ai ka pale loa ki lagi ? Ko le fakaifo mai a ia o Kilisito ;

Uluaki tosi ki le kau Kolinto 15:47

Ko le uluaki tagata, leia na tupu mei le kele, e fakakele ; ko le lua tagata ko le Aliki a ia mei lagi.

Efeso 1:23

leia ko lona tino, ko le apeleaga katoa o leia e fakaapele ia nea fuli i kakai fuli.

Tetelonome 30:12

E leaise tuku a ia i le lagi ke ke pati loa : Ko ai leia e pale loa kia matou ki le lagi, o aumai a ia kia matou, ke motou logo ki ai, o tupu ke motou fai a ia ?