Soane 20:27 - Tosi Tapu

²⁷ Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.

Soane 20:27 ပူးပေါင်းရင်းမြစ်များ

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Mateo 17:17

Na tali loa Sesu : Lanu tui gataa mo aga fakalialia, e kaku loa kiafea laku nofo mo koutou ? E kaku loa kiafea laku kataki kia koutou ? Aumai a ia ki leinei.

Maleko 9:19

Na pati loa Sesu kia latou : Lanu tui gataa, e kaku loa kiafea laku nofo mo koutou ? E kaku loa kiafea laku katakii koutou ? Aumai le toe kiate au. Ti na aumai loa le toe kiate ia.

Luka 24:39

Kotou tio mai ki oku lima mo oku vae, ko au totonu ; kotou fafa mai kiate au ti kotou tio : E leaise maua e le tuuola se kanofi mo ni ivi, ofaipe au leinei, e kotou tio mai ki ai.

Luka 24:40

I lana masau lena, na fakaali loa e ia kia latou ona lima mo ona vae.

Luka 9:41

Na tali loa Sesu : Lanu tui gataa mo agaveli, e kaku loa ki afea laku nofo mo koutou, mo laku kataki koutou ? Aumai ki leinei lou vosa.

Soane 20:20

Ti oki lana pati a ia, na fakasa loa e ia kia latou ona lima mo lona vakavaka. Ti na fiafia loa le kau tisipulo i lalatou tio ki le Aliki.

Soane 20:25

Na pati loa a la ake tisipulo kiate ia : Kua motou tio ki le Aliki. Kae na pati loa a ia kia latou : Kapau e leaise kau tio ki pu o fao i ona lima, ti kapau e leaise kau velo loku maikao ki pu o fao, ti kapau e leaise kau teki loku lima ki lona vakavaka, e leaise kau tui loa.

Soane 20:28

Na tali loa Tomasi kiate ia : Ei loku Aliki mo loku Atua ! Na pati loa Sesu kiate ia :

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,