Soane 20:26 - Tosi Tapu

²⁶ Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Soane 20:26 ပူးပေါင်းရင်းမြစ်များ

Esaia 26:12

Eteleno, e ke soli kia matou le tokamalie ; Talie ko nea fuli ala e motou fai, Ko koe leia e fakasoko ia kia matou.

Esaia 27:5

Kae kapau e lotou too au ko se mumuniaga, Ti kapau e lotou afa le tokamalie mo au, Io, mo kapau e lotou afa le tokamalie mo au, Ti e leaise kau tutu loa latou.

Esaia 54:10

Talie e pupuli loa a mauga, Ti e sisiga loa a mauga liliki, Kae e leaise puli loa loku alofa kiate koe, Ti e leaise fetogi loa laku sai o le tokamalie, E pati le Eteleno, leia e alofa kiate koe.

Mateo 17:1

Na sili loa ki ai ni aso e ono, ti na vaei loa e Sesu a Petelo, mo Sakopo, mo Soane, lona taina, ti na ave loa e ia latou ki se mauga taualuga.

Maleko 16:14

Ti na sili a ia, na toe sa loa Sesu ki le tino agafulu tupu tasi, kae lotou lolotoga kai ; ti na valoki loa e ia kia latou lolatou tui gataa mo le fefeka o olatou loto, talie na leaise lotou tui kia latou ala na tio kiate ia kua toe tuuake.

Luka 24:36

I lala masau, na tuu loa Sesu totonu i loto malie o latou, o pati : Ke nofo le tokamalie mo koutou !

Luka 9:28

Na sili loa ni aso e valu ki le fakasa e Sesu o folafola ana, ti na too loa e ia Petelo, mo Soane, mo Sakopo, ti na pale loa a ia ki se mauga, o faikole i ai.

Soane 11:16

I le nea lena ko Tomasi, leia na igoa ko le Ata, na pati loa ki la ake tisipulo : Tou ano foki, o tupu ke tou mamate mo ia.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 20:19

I le afiafi o le aso lena, leia ko le uluaki aso o le vasaa, kua tapono a matapa o le ganea leia na fakatasi ai le kau tisipulo, o tupu ko lolatou i ki le kau Sutea, na au loa Sesu, o tuu i loto malie o latou, o pati kia latou : Ke nofo ia koutou le tokamalie !

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Soane 21:1

I le oki o nea ana, na toe sa foki Sesu ki ana tisipulo, i le mata tai o Tipeliate. Ti na feneeki loa lana sa kia latou.

Soane 21:14

Ko le tua tolu loa lena o le sa a Sesu ki ana tisipulo talu mei lana toe tuuake mei le kau mate.

Gaoi 1:3

I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.