Soane 20:2 - Tosi Tapu

² Na makape loa a ia kia Simone Petelo mo le tisipulo leia na alofa ki ai Sesu, o pati kia laua : Kua lotou too le Aliki mei le tanuma, ti e leaise motou iloa pe kua lotou tuku a ia kifea.

Soane 20:2 ပူးပေါင်းရင်းမြစ်များ

Soane 13:23

Na fafanaki ki le fatafata o Sesu se tasi o ana tisipulo, leia na alofa ki ai a Sesu.

Soane 19:26

Koia i le tio a Sesu ki lona tinana, mo le tisipulo leia na alofa a ia ki ai i tafa o lona tinana, na pati loa a ia ki lona tinana : Fafine, ko lena lou tama.

Soane 20:13

Na la pati loa kiate ia : Fafine, kolea e ke tagi ai ? Na tali loa a ia kia laua : Talie kua lotou ave loku Aliki, ti e leaise kau iloa pe kua lotou tuku a ia kifea.

Soane 20:15

Na pati loa Sesu kiate ia : Fafine, kolea e ke tagi ai ? Ko ai leia e ke afa ia ? Na tuku e Malia ko le tagata fai oloto, ti na pati loa a ia kiate ia : Aliki, kapau ko koe leia na ave ia a ia, fakasa mai kiate au pe na ke tuku a ia kifea, ti e kau too loa a ia.

Soane 20:9

Talie na leikiaise la matala foki ki le Tosi, leia e tonu ke toe tuuake Sesu mei le kau mate.

Soane 21:20

Ti na mafuli loa ki muli Petelo, o tio e au i ola muli le tisipulo leia na alofa ki ai Sesu, leia na punou ki le fatafata o Sesu i le lolotoga o le kai afiafi, o pati : Aliki, ko ai leia e fakatau ia loa a koe ?

Soane 21:24

Ko le tisipulo a ia leia e fakamaoki ki nea ana, ti na tosi ia latou. Ti e tou iloa e maoki lana fakamaoki.

Soane 21:7

Ti ko le tisipulo leia na alofa ki ai Sesu na pati loa kia Petelo : Ko le Aliki ! Ti ko Simone Petelo, i lana logo ko le Aliki, na tui loa lona kofu mo toi lona kilii pipi, talie na telefua a ia, o sopo ki le tai.