Soane 20:17 - Tosi Tapu

¹⁷ Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Soane 20:17 ပူးပေါင်းရင်းမြစ်များ

Lua tosi o Sau 4:29

Ti na pati loa Eliseo kia Keasi : Toi lou kilipipi, ti ke too loku tokotoko i lou lima, ti ke ano. Kapau e ke felavei loa mo se tasi, aua na ke fakamalo loa kiate ia ; ti kapau e fakamalo atu loa se tasi kiate koe, aua na ke tali loa ki ai. Ti ke teki loa loku tokotoko ki mata o le toe.

Lua tosi o Sau 7:9

Ti na lotou fepatiaki loa : E leaise malie le nea leia e tou fai ! Ko le aso leinei ko se aso o logo malilie ; kapau e tou fakaleemu o kaku ki le mafoa mai o le ao, e vilo loa le tautea kia tatou. Kotou au ke tou ano, o fakasa le logo leinei ki le fale o le sau.

Pesalemo 22:22

Ke ke fakamau au i le gutu o le laione, Ke ke saofaki au i tala o le pipi vao !

Pesalemo 43:4

E kau ano loa ki le aletale o le Atua, o le Atua, ko loku fiafiaaga mo loku nekenekeaaga, Ti e kau fakafetai loa kiate koe i le alepe, ei Atua, ko loku Atua !

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Pesalemo 68:18

Ko saliote a le Eteleno e lau i tino lua afe, Ti tino afe mo tino afe ; E nofo le Aliki i loto malie o latou, E tuu le Sinai i le sagatualio.

Pesalemo 89:26

E kau tuku loa lona lima ke pule ki le tai, Ti mo lona lima atamai ki atu vaitafe.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:38

E lotou liliu loa ko loku kakai, Ti e kau liliu loa ko lolatou Atua.

Esekiele 36:28

E kotou nonofo loa i le fenua leia na kau soli ki okoutou tamana ; ti e kotou liliu loa ko loku kakai, ti e kau liliu loa ko lokoutou Atua.

Esekiele 37:27

E tuu loa loku nofoaga i lotolotoga o latou ; e kau nofo loa i ai ko lolatou Atua, ti ko latou ko loku kakai.

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Mateo 28:7

ti kolua ano vave o fakasa ki ana tisipulo kua toe tuuake a ia mei le kau mate. Ti ko leinei, kua muamua a ia ia koutou ki Kalilea : I ai e kotou tio loa kiate ia. Ko leinei, kua kau fakasa atu a ia kia koulua.

Maleko 12:26

Ki le toe tuuake o le kau mate, pe na leaise kotou lau i le tosi a Moisese, le nea leia na fakasa e le Atua kiate ia i le ga ulu vao : Ko au ko le Atua o Apalaamo, ko le Atua o Isaake, ti ko le Atua o Saakopo ?

Maleko 16:19

I le oki o le masau a le Aliki kia latou, na ave loa a ia ki Selo, ti na ekeeke loa a ia i le lima atamai o le Atua.

Luka 10:4

Aua na kotou too se paaga, pe ko se taga, pe ko ni taka, ti aua na kotou fakamalo ki se tasi i le ala.

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 13:3

ti kua iloa e Sesu kua tuku e le Tamana a nea fuli ki ona lima, ti na au a ia mei le Atua, ti ka toe liliu a ia ki le Atua,

Soane 14:2

E lasi a nofoaga i le fale o loku Tamana. Kanapau e leai, kua kau fakasa atu a ia kia koutou. E kau ano o teuteui se nofoaga kia koutou.

Soane 14:28

Kua kotou logo na kau pati kia koutou : E kau ano ti e kau toe liliu mai kia koutou. Kapau e kotou alofa kiate au, e kotou fiafia loa i laku ano ki le Tamana ; talie e lasi ake le Tamana iate au.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 16:28

Na kau au mei le Tamana, ti na kau au ki le malama nei ; ko leinei e kau mavae i le malama nei, o ano ki le Tamana.

Soane 17:11

E leaise koi kau nofo i le malama nei, kae e lotou nonofo i le malama nei, ti e kau natu kiate koe. Tamana maokioki, taupau latou i lou suafa leia na ke soli mai kiate au, o tupu ke lotou liliu ko se nea e tasi ofaipe taua.

Soane 17:25

Tamana faitotonu, na leaise iloa a koe e le malama nei ; kae na kau iloa a koe, ti kua iloa e latou anei na ke kakau ia mai au.

Soane 17:5

Ti ko leinei, ei Tamana, fakakololia au i ou tafa totonu ki le kololia leia na kau maua i ou tafa i mua o le fakatupu o le malama nei.

Soane 20:27

Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.

Soane 7:33

Na pati loa Sesu : Koi kau nofo mo koutou i se ga temi ikiiki, ti e kau ano loa ki leia na kakau ia mai au.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Epelo 8:10

Kae ko leinei le sai leia e kau fai loa mo le fale o Iselaele. Ile oki o aso ana, e pati le Aliki : Ekau tuku loa aku lao ki olatou loto, Ti e kau tosi loa latou i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.