Soane 2:24 - Tosi Tapu

²⁴ Kae na leaise fanaki fua Sesu kia latou, talie na iloa e ia latou fuli,

Soane 2:24 ပူးပေါင်းရင်းမြစ်များ

Uluaki tosi o Sau 8:39

ke ke tali a ia mei le atu lagi, mei le ganea o lou nofoaga, ti ke ke fakamolemole ; ke ke gaoi, ti ke ke totogi ki le tagata taki toka tasi o mulimuli ki ona ala, a koe leia e iloa ia a loto o fanau fuli o tagata,

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Mateo 9:4

Ti na pati loa Sesu, i lana iloa alatou manatu loto : Kolea e kotou maua ai ni manatu veveli i okoutou loto ?

Maleko 2:8

Na iloa loa e Sesu i le lakaga fai lena a nea ala na lotou manatu ki ai i olatou loto, ti na pati loa a ia kia latou : Kolea e kotou maua ai ni manatu fenaaki i okoutou loto ?

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Soane 16:30

I leinei kua motou iloa papau e ke iloa a nea fuli, ti e leaise aoga ke fakavesilii a koe e se tasi ; koia kua motou tui ai na ke au mei le Atua.

Soane 21:17

Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

Soane 4:16

Na pati loa Sesu kiate ia : Ano, o kalagai mai lou avaga, ti ke au ki leinei,

Soane 5:42

Kae e kau iloa e leaise koi maua ia koutou le alofa ki le Atua.

Soane 6:15

I le iloa e Sesu, ka lotou au loa o too a ia ke fakasau, na toe ano loa a ia toka tasi ki le mauga.

Soane 6:64

Kae e i ai ni iki ia koutou e leaise tui. Talie na iloa e Sesu mei le kamataaga latou ala e leaise tui, ti mo leia ka fakatau ia loa a ia.

Gaoi 1:24

Ti na lotou fai loa le kole leinei : Aliki, ko koe leia e iloa ia a loto o tagata fuli, fakasa mai pe ko ai ia laua anei kua ke filifili,

Gaoi 15:8

Ti ko le Atua, leia e iloa ia a loto, na fakamaoki kia latou, o soli le Laumalie Maokioki kia latou ofaipe tatou ;

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.