Soane 2:18 - Tosi Tapu

¹⁸ Na pati loa le kau Sutea kiate ia : Kolea le milakulo leia e ke fakasa mai kia matou, o tupu ke ke fai ai a nea ana ?

Soane 2:18 ပူးပေါင်းရင်းမြစ်များ

Uluaki tosi o Sau 13:3

Ti na tuku loa e ia se fakamailoga i le aso lena, o pati : Ko leinei le fakamailoga leia kua masau ki ai le Eteleno : E mafaa lua loa le aletale ti e mavete loa le mugalafu leia i aluga.

Ekesote 7:9

Kapau e pati atu loa Falaone kia koulua : Kolua fai se milakulo ! E ke pati loa kia Alone : Too lou tokotoko, o ti a ia ki mua o Falaone. E liliu loa a ia ko se gata.

Mateo 21:23

Na ano loa Sesu ki le fale tapu, i le lolotoga o lana akonaki, na au loa le kau pule faisakilifisio mo le kau fakamatuatua o le kakai, o pati kiate ia : Ko le pule fea leia e ke fai ai a nea ana, ti ko ai leia na soli atu ia kiate koe le pule lena ?

Maleko 8:11

Na kaku ake loa le kau faliseo o kamata fakavesilii Sesu, ti mo kole kiate ia se fakamailoga mei le lagi, ke asiasii ai a ia.

Luka 11:29

I le tanaki mai o se kakai toka api kiate ia, na pati loa Sesu kia latou : Ko le tautupu leinei ko se tautupu agaveli ; e lotou afa se fakamailoga, kae e leaise toe tuku loa kia latou se tasi ake fakamailoga i leia o Sonasi.

Soane 1:19

Ko leinei le fakamaoki a Soane, i le kakau mai e le kau Sutea mei Selusalemi ni tagata faisakilifisio mo ni levita, ke vesili kiate ia : Aloa, ko ai a koe ?

Soane 1:25

Na lotou toe fai foki kiate ia le vesili leinei : Kolea loa leia e ke fai papitema ai, mo kapau e leaise ko le Kilisito a koe, pe ko Elia, pe ko le polofeta ?

Soane 6:30

Na lotou pati loa kiate ia : Kolea le milakulo e ke fai loa ke motou tio ki ai, ti ke motou tui ai kiate koe ? Kolea e ke fai loa ?

Gaoi 4:7

Ti na lotou fakatuu loa Petelo mo Soane i lotomalie o latou, ti na lotou vesili loa kia laua : Ko le makeke fea, ti ko le suafa o ai, leia na kolua fai ai le nea lena ?

Gaoi 5:28

Pe na leaise motou tapui fakamakeke atu kia koutou le akonaki i le igoa lena ? Ti ko leinei, kua kotou fakaapele Selusalemi ki lakoutou akonaki, ti e kotou loto ke vilo kia matou le toto o le tagata lena !