Soane 19:9 - Tosi Tapu

⁹ Ti na toe ulu loa a ia ki le peletolio, o pati kia Sesu : Pe ke au meifea ? Kae na leaise toe fai loa e Sesu se tali kiate ia.

Soane 19:9 ပူးပေါင်းရင်းမြစ်များ

Esaia 53:7

Na fakaveliveli a ia mo fakamamae, Kae na leaise fakamavaa fua e ia lona gutu, Ofaipe se akeno leia e taki ki le fale tamate manu, Se ovi fafine gutu mate i mua o latou ala e koti ia a ia ; Na leaise fakamavaa fua e ia lona gutu.

Mateo 26:63

Na fakalologo loa Sesu. Ti na masau loa le pule faisakilifisio, o pati kiate ia : E kau fakapapau atu i mua o le Atua mauli, fakasa mai kia matou pe ko Kilisito a koe, ko le Alo o le Atua.

Mateo 27:27

Na taki loa Sesu e le kau solia a le kovana ki le peletolio, ti na lotou fakatasii loa ki ona tafa le kau solia katoa.

Luka 23:9

Na fai loa e ia ni vesili mauke kia Sesu, kae na leaise tali fua Sesu ki se nea.

Soane 18:28

Na lotou taki loa Sesu mei le fale o Kaifa o ave ki le peletolio ; ko le pogipogi usu lena. Na leaise lotou ulu loa ki le peletolio o tupu ke aua na lotou kelekele, kae ke feala lalatou kai le Pasikate.

Soane 18:33

Na toe ulu loa Pilato ki le peletolio o kalagai Sesu, o pati kiate ia : Pe ko le sau a koe o le kau Sutea ?

Soane 18:34

Na tali loa Sesu : Pe au meiate koe totonu le nea lena, pe na masau atu ni iki kiate koe o uiga mo au ?

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 19:10

Na pati loa Pilato kiate ia : Pe ko au leia e leaise ke fia masau mai ki ai ? Pe leaise ke iloa e kau nofo mo le pule ke kulusifiko a koe, ti e kau nofo mo le pule ke fakamauli a koe ?

Soane 19:8

I le logo a Pilato ki le pati lena, na toe asilisili lasi loa i ai lona i.

Soane 8:14

Ti na tali loa Sesu kia latou : Kapau e kau fakamaoki kiate au totonu, e maoki laku fakamaoki, talie e kau iloa le ganea leia e kau au mei ai ti mo le ganea leia e kau ano ki ai ; kae ko koutou, e leaise kotou iloa pe kau au meifea ti e kau ano kifea.

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Tuifakamaau 13:6

Na ano loa le fafine o fakasa le nea lena ki lona avaga : Na au loa kiate au se tagata a le Atua, ti na fai a ia pe se aselo o le Atua, na fakaii a ia. Na leaise kau vesili loa kiate ia pe na au a ia meifea, ti na leaise fakasa mai loa e ia kiate au lona igoa.