Soane 19:6 - Tosi Tapu

⁶ I le tio a le kau pule faisakilifisio ti mo le kau leo kiate ia, na lotou kalaga leo lasi loa : Kulusifikoi ! Kulusifikoi ! Na pati loa Pilato kia latou : Kotou too a ia e koutou totonu, ti kotou kulusifiko a ia ; talie ko au, e leaise kau maua fua se sala iate ia.

Soane 19:6 ပူးပေါင်းရင်းမြစ်များ

Mateo 26:58

Na muli loa Petelo iate ia mei mamao, o kaku ki le malae o le pule faisakilifisio, ti na ulu loa a ia ki ai, o tonatona mo le kau tagata fakasausau, ke tio pe feaki le fakaoki o le nea lena.

Mateo 27:22

Na pati loa Pilato kia latou : Kolea loa le nea ke kau fai kia Sesu, leia e igoa ko Kilisito ? Na lotou tali fuli loa : Ke tutuki a ia i le koluse !

Mateo 27:24

I le tio a Pilato e leaise malo a ia i se nea fua, kae kua asilisili le maveuveu, na too loa e ia se vai, ti na fanofano loa e ia ona lima i mua o le kakai, o pati : E kau mea i le toto o le tagata agatonu lena. Ko le nea lena a koutou fai a ia.

Luka 23:4

Na pati loa Pilato ki le kau pule faisakilifisio mo le kakai : E leaise kau maua fua se sala i le tagata nei.

Soane 18:3

Ti na ano foki ki ai Sutasi, o taki le kau solia, ti mo ni fakasausau ala na kakau e le kau pule faisakilifisio mo le kau faliseo mo ni malama taki, mo ni afi taume, ti mo ni masafu tau.

Soane 18:31

I le nea lena, na pati loa Pilato kia latou : Kotou too a ia, ti kotou fakamaaui a ia o mulimuli ki lakoutou lao. Na pati loa le kau Sutea kiate ia : E leaise taga kia matou ke motou tamate se tasi.

Soane 18:38

Na pati loa Pilato kiate ia : Kolea le maoki ? I le oki o lana pati lena, na toe ulu loa a ia ki fafo ki le kau Sutea, o pati kia latou : E leaise kau maua fua se sala iate ia.

Soane 19:15

Kae na lotou kalaga leo lasi loa : Ke mate, ke mate, ke kulusifiko a ia ! Na pati loa Pilato kia latou : Pe kau kulusifiko loa lokoutou sau ? Na tali loa le kau pule faisakilifisio : Ko lomatou sau e tasi ko Sesale.

Soane 19:4

Na toe ulu ake loa Pilato ki fafo, o pati ki le kau Sutea : Ko leinei, e kau aumai a ia kia koutou i fafo, o tupu ke kotou iloa e leaise kau maua fua se sala iate ia.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,