Soane 19:5 - Tosi Tapu

⁵ Na ulu mai loa Sesu ki fafo, kua pala a ia ki le pala talatala ti kua kofu a ia ki le taupulupulu kula. Ti na pati loa Pilato kia latou : Ko leinei le tagata.

Soane 19:5 ပူးပေါင်းရင်းမြစ်များ

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Tagi laulau a Selemia 1:12

E kau masau kia koutou, kia koutou fuli ala e fakalaka i leinei ! Kotou tio ti kotou iloa pe i ai se mamae e tatau mo loku mamae, Mo leia kua taai au ki ai ! Kua fakamamae au e le Eteleno i le aso o lona sausau lasi.

Mateo 27:29

Ti na lotou fili loa se pala talatala, o teki ki lona ulu, ti na lotou fakatoo loa ki lona lima atamai se fa u ; ti oki, na lotou tutuli loa i ona mua, ti na lotou nukinuki loa kiate ia, o pati : Malo, sau o le kau Sutea !

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 19:2

Ti na fili loa e le kau solia se palaa talatala o teki ki lona ulu, ti na lotou fakakofu loa a ia ki se taupulupulu kula ; ti na lotou fakafeofi ake loa kiate ia,

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.