Soane 19:40 - Tosi Tapu

⁴⁰ Ti na la too loa le tino o Sesu, o kofukofu a ia ki ni fa kie, mo ni nea fakamanogi, o mulimuli ki le agai fenua a le kau Sutea mo ka tanu se tasi.

Soane 19:40 ပူးပေါင်းရင်းမြစ်များ

Senesi 50:2

Ti na fakatotonu loa e ia ki toketa ala na gaoi kiate ia ke lotou fakatologa le tino o lona tamana, ti na fakatologa loa e toketa a Iselaele.

Lua tosi o Koloniko 16:14

ti na tanu loa a ia i le tanuma leia na kenu e ia mo ona i le kolo o Tavite. Na fakamoe loa a ia ki se palepale leia na fakaapele ki ni nea fakamanogi mo ni kaloni kesekese na teuteui o mulimuli ki le poto o le tagata fai kaloni, ti na tutu loa kiate ia ni nea fakamanogi o lasi ai.

Mateo 26:12

I lana liligi le kaloni ki loku tino, na fai e ia a ia ki loku aveifo.

Maleko 14:8

Kua fai e ia le nea leia na mafai e ia : kua fakamanogi fakatomua e ia loku tino ki loku aveifo.

Luka 24:12

Kae na tuu ake loa Petelo ki aluga, o makape ki le tanuma. Na faino loa a ia ki loto o le tanuma, ti na tio loa a ia ki kie ata e tuku i le kele ; ti na punamauli ai a ia ki le nea kua soko, ti na ano loa a ia ki lona kaiga.

Soane 11:44

Ti na au loa le mate ki fafo, kua saisai ona vae mo ona lima ki ni kie, ti kua takatakai ona mata ki se tupenu. Na pati loa Sesu kia latou : Kotou veteki ona sai, ti kotou tuku a ia ke ano.

Soane 12:7

Kae na pati loa Sesu : Tuku a ia ke taupau ia le kaloni lena ki loku aso tanu.

Gaoi 5:6

Na tutuu ake loa ki aluga ni kau tupulaga, o kofu a ia, ti na lotou ave loa a ia, o tanu.