Soane 19:38 - Tosi Tapu

³⁸ Sili aia, ko Sosefo mei Alimatea, ko se tisipulo a Sesu, kae fakapulipuli i lona i ki le kau Sutea, na kole loa kia Pilato le fakataga ke too e ia le tino o Sesu. Ti na fakataga loa e Pilato kiate ia. Ti na au loa a ia, o too le tino o Sesu.

Soane 19:38 ပူးပေါင်းရင်းမြစ်များ

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Soane 12:42

Kae na tui loa kiate ia se toka api i le kau pule foki ; kae o tupu ko le kau faliseo, na leaise lotou fakasa a ia, talie na kapu latou mei le sinakoka.

Soane 7:13

Kae na leaise masau fakalauatea se tasi kiate ia, i le i ki le kau Sutea.

Soane 9:22

Na pati fenaaki loa ona matua talie na la i ki le kau Sutea ; talie kua tuku e le kau Sutea ke fakamavae mei le sinakoka latou fuli ala e fakasa ia ko Sesu ko le Kilisito.

Gaoi 13:29

I le oki o lalatou fakasoko a nea fuli ala na tosi kia Sesu, na lotou too loa a ia mei le koluse, o tuku ki se tanuma.

Filipe 1:14

ti ko le lasiga o fetaina i le Aliki na loto makeke o tupu ko oku sai, ti mo toe asilisili toa o fakasa le Evaselio, sala i.